Mberaand 22:15 - NQAARIIT NE ROOG

¹⁵ Malaaka fee no Yaal oxe a foda na asamaan, a xoy a Abraham jaf ɗikandeer,

Mberaand 22:15 Referans Kwoze

Mberaand 16:7

Malaaka no Yaal oxe a soƥa a Agaar paam a cur foofi kam a koƥ-a-ƥor alaa, na cur alaa refna paam a ƭat alaa jofna Suur.

Mberaand 16:10

Malaaka fee no Yaal oxe a layahinaan ee: «Xam mayƭand xa taan of, boo o leng waagkee o lim a den.»

Mberaand 22:14

Abraham a ne’a o mbiñ onqaaga Yahwe-Yiree. Ten taxu ta layeel boo xaye yee: «Xan pexey a jeg no joong ole no Yaal oxe.»

Mberaand 22:16

a layin ee: «Mi o Yaal oxe, mexe daaɓoortan a xoox es ee: Feek fi’aa keene too xañiraamo o ƥiy o leng kut onqe jegoona,

Mberaand 31:11

Malaaka fee Roog a layaxam no ƭaaɗ ee: ‹Yakoob!› Um jaaɓin ee: ‹Oow!›

Mberaand 48:16

yaasam malaaka fee wataxama no paaxeer kuu refna a barke xa koor axene! Fat da lastiteel gon es fo a kon ake no daan es Abraham fa Isaak. Yaasam da njeg xa taan xa mayu muu refna kam saax le.»

A sutax ale 3:2

Maaga, malaaka fee no Yaal oxe a feeñooxaan kam ƈulfaan fiɗel laa refna ndeer ee ndeer ngol. Moyiis a deɓa a kid um too a ga’a ngol ne a jirjirnaa fa fiɗel too waagee o sooy.

A paɗax ale 26:42

xam wetandoox ngiɓoor ne mi dalnuuma fa Yakoob fa Isaak fa Abraham, we daan den, wetandoox itam a tegit ale mi no kaa farna no saax den.

Mberaand 18:10

O leng na den a laya yee: «Mbaan na waxtu feeke deŋ, xam nomtooxiid me wo, too xam soƥ Saara fee o teef a jeg o ƥiy o ngoor.» Saara koy, kaa fod’u no ndokand ne no ƭiif ne ten reeƭna cinj ne Abraham, a nan-gilooxaa.

Esayi 45:23

Daaɓoortaanum a xoox es, too fa lay es ndigil kak oo, dara teen suptooxkee: ‹Xan wiin we fop a ngooknoox mbaambir es, o don oluu refna a weejil ee

Sakari 3:6

Cinj kaaga, malaaka fee no Yaal oxe a woorna a Yosuwe kene:

Sakari 12:8

A koom, xan o Yaal oxe a saytoox we ngenna Yeerusaleem, too oxe moƴna neew doole na den xan a nand nen a Dawid, soo mbind Dawid a ref nen a Roog, nen malaaka fee no Yaal oxe mbaambir den.

A pi ake 7:30

A cinj xa kiid qarɓeen nahik, malaaka a feeñooxa a Moyiis kam aal laa no ngol naa doxoogna. Kaaga xaa xewit’a na koƥ-a-ƥor alaa paam o Joong olaa Sinayi.

Hebre 6:13

Ye Roog a cooxaa a Abraham a tegit ale, a yoonandit’aan a taaƥ. Ne ta jeg’eerna o lakas oxaa hupuuna, too ta war’un o daaɓoox, a daaɓoorta a xoox um.

Mbeeñil 10:5

Maaga, malaaka fee ga’uuma ta geenoox no maag ole fo na jeeri fee a yoɗa o ɓay um o ñamaak farna fa asamaan.