Mberaand 22:13 - NQAARIIT NE ROOG

¹³ Abraham a wiƈaqilooxa, soo a ga a cinj um suk mbaal laa xa can axe a njomna kam ngol. Abraham a reta, a xot suk mbaal le, a ɓoxotin nen sadax fa ndoxel na seek no ƥeem.

Mberaand 22:13 Referans Kwoze

1 Korint 10:13

Nu ƭeetlooxkaand ƭeetlax naa o kiin a mosaandeena o ɗeetloox, too Roog fee refna gor xaƴkee a nuun, nu sipanel ƭeetlax naa hupna a nuun doole. Kaa xaƴaa nu ƭeetlooxel, ndaa a naaga o soƥaa ta jagand yaaga naa nu sutoorna teen, ndax nu ngatil ƭeetlax keene.

Esayi 30:21

Nof of xan a nanit fa lay feeke a cinj of: ‹A ƭat ale ley, ñaaƴyo teen›, ta ref yaa o ɗapaa na ñamaak mbaat na janoon.

Mberaand 22:8

Abraham a doonaan ee: «O ƥees, Roog na waaƭankaa a xoox um mbaal ne na sadax fa ndoxel fee.» Den ɗik fop a ndefa no ñaaƴaa.

Mberaand 22:12

Malaaka fee a layaan ee: «Ba o ɓay of a fad no goor ole, too ba o fi’in dara! Ndiiki koy andaam tigi yee saɗaraa a Roog, too xañiraamo o ƥeef o leng kut onqe jegoona.»

Mberaand 22:14

Abraham a ne’a o mbiñ onqaaga Yahwe-Yiree. Ten taxu ta layeel boo xaye yee: «Xan pexey a jeg no joong ole no Yaal oxe.»