Ye o Yaal oxe a ga’na ta ɗapaa, ndax ta ga ke na kaƥaa, a xoytaan kam ngol ne too a lay ee: «Ee xey, Moyiis! Moyiis oo!» Maaga, a jaaɓa yee: «Oow! Mexey!»
Roog a nana xa buuq axe no goor ole. Malaaka fee no Yaal oxe a foda na asamaan, a xoy a Agaar, a layin ee: «Agaar xar oo? Ba o saɗar dara, yaam Roog a nana xa buuq axe no goor ole meene ta refna sax.
Ndak fo ndak, in fop i yena a lanq, too nanaam o ñuxur olaa na layaa na lak hebre yee: ‹Sool! Sool! Xar taxu o ñagadilaxam? O and’angaa ke na ɓeedang, o waas ke o ɓeedaa.›
O Yaal oxe a gara, a geenoox maaga, a xoyahinin nen eetaand ke yee: «Sami’el, Sami’el oow!» O goor ole a doonaan ee: «Layi, mexey nan-gilooxang, mi fee o paɗ of.»
Malaaka fee a layaan ee: «Ba o ɓay of a fad no goor ole, too ba o fi’in dara! Ndiiki koy andaam tigi yee saɗaraa a Roog, too xañiraamo o ƥeef o leng kut onqe jegoona.»
O Yaal oxe Roog fee na asamaan suttaxama no mbind faap es fo no mbaafaap es, a layaam fo a taaƥ ee: ‹Saax lene xam ci’in xa taan of!› ten fa xoox um xan a heblanong malaaka um ta adooxanong. Maaga boog, o waaƭanitkaa o ƥees o tew.
yaasam malaaka fee wataxama no paaxeer kuu refna a barke xa koor axene! Fat da lastiteel gon es fo a kon ake no daan es Abraham fa Isaak. Yaasam da njeg xa taan xa mayu muu refna kam saax le.»
Maaga, malaaka fee no Yaal oxe a feeñooxaan kam ƈulfaan fiɗel laa refna ndeer ee ndeer ngol. Moyiis a deɓa a kid um too a ga’a ngol ne a jirjirnaa fa fiɗel too waagee o sooy.
Malaaka fee no Yaal oxe a inooriida Gilgal a gar Bokiim, a lay Ii-isra’el we yee: «Suttaam a nuun Misira, ɗoxiid a nuun no saax le reg’uuma daan nuun fo a taaƥ. Layaam ee: ‹Ɗegkiim ngiɓoor es fa nuun boo muk,