Mberaand 22:1 - NQAARIIT NE ROOG

¹ Cinj kaaga, Roog a ɗeetlooxa a Abraham, a layin ee: «Abraham!» Abraham a doonin ee: «Oow!»

Mberaand 22:1 Referans Kwoze

Hebre 11:17

O ngim tax’u Abraham a ɓoxot a Isaak fee o ƥeem nen sadax, ye Roog a ɗeetlooxan. Abraham feene o mat, Roog a coox’u ndegit ne, ndaa yaqanee ta fapooxan o ƥiy o leng kut onqe ta jeg’ina, ndax ta ɓoxotin nen sadax.

A cangatin ale 8:2

Fat nu mbetandooxaa a ƭat ale o Yaal oxe Roog nuun a xotnoorna a nuun fop kam a koƥ-a-ƥor ale na xa kiid qarɓeen nahik axeene. A doona a nuun coono mayu, ndax ta ɗeetloox a nuun boo a ga ke refna kam a qeeñ nuun, a and ndax nu mbuga ndeef kebil ke ten, ndax nam.

1 Piyeer 1:7

Keene waru, yaam wurus fee nayneena na fiɗel sax, xan a sooƴ. O ngim onqe moƴu o jeg wurus fee o njiriiñ. Neene itam a ɗeetlooxe nen a wurus fee, ndax ta lalit ee ndigil oo. A reftangaa neene, xan o ngim nuun a tagasel, a fakel soo a niwel, yaa Yeesu Kiristaa a nomtooxiidkaa.

Saak 2:21

Nam Roog a ɗeetit’u a Abraham fee o taan in nen o cofu? Mee ndax na pi um a reeƭu, ye ta ɓoxotna a Isaak fee o ƥeem took o sadaxand olaa.

1 Korint 10:13

Nu ƭeetlooxkaand ƭeetlax naa o kiin a mosaandeena o ɗeetloox, too Roog fee refna gor xaƴkee a nuun, nu sipanel ƭeetlax naa hupna a nuun doole. Kaa xaƴaa nu ƭeetlooxel, ndaa a naaga o soƥaa ta jagand yaaga naa nu sutoorna teen, ndax nu ngatil ƭeetlax keene.

Xa peƭit axe 17:3

Xaaliis fa wurus kaa ƭeetloorteel fiɗel, a qeeñ ake mat o Yaal oxe na ɗeetlooxaa a den.

A cangatin ale 8:16

A ñaamnoora a nuun kam a koƥ-a-ƥor ale maan fee daan nuun a and’eerna. A doona a nuun coono, ndax ta ɗeetloox a nuun, cinj kaaga ta fi’an a nuun paax.

A sutax ale 3:4

Ye o Yaal oxe a ga’na ta ɗapaa, ndax ta ga ke na kaƥaa, a xoytaan kam ngol ne too a lay ee: «Ee xey, Moyiis! Moyiis oo!» Maaga, a jaaɓa yee: «Oow! Mexey!»

Mberaand 22:11

Maaga, malaaka no Yaal oxe a foda na asamaan, a xoy a Abraham, a layin ee: «Abraham! Abraham oow!» Abraham ee: «Oow!»

Mberaand 22:7

Maaga, Isaak a laya a Abraham fee faap um ee: «Ndi baa!» Ta doonin ee: «Oow!» Isaak a layin ee: «Mi de kaam ga i saq xa cuuƭ fo keƥandir, ndaa taa mbaal ne na sadaxitkeel?»

Esayi 6:8

Maaga, nanaam o ñuxur ole no Yaal oxe layoogna yee: «An um lulkaa? Ndi an na retankaa a in?» um jaaɓ ee: «Mexey, lulaam.»

2 Caloori ke 32:31

Kaa koy, no kaa farna no we kelfa ke Babilon a luliid’ina me ten ndax da laamit paru no anddiloor ole jeg’ina no saax leene, Roog a xaƴa a Hiskiya ndax ta ɗeetlooxin boo a and fop ke refna no xeeñ um.

A sutax ale 16:4

O Yaal oxe a laya a Moyiis ee: «Xam deɓaniid a nuun mbuuru, ta hatiid na asamaan. Fat xeet fee a sutoox, a ngurdaa ñaal oo ñaal ke da soxla’kaa. Neene, xam ɗeetloox a den boo ga, ndax xan a ndeef kebil es, ndax nam.

A cangatin ale 13:3

ndax ta ɗooqloox a nuun nu mbaɗook roog lakas kaa nu and’eerna, njalan a den. Boo o anddiloor ole mbaat com’andtu ke a jegitna ne ta yegnit’uuna a nuun sax oo,

Haahate we 2:22

Neene um ɗeetlooritkaa Ii-isra’el we, reefandin no qeet keene, boo and ndax xan a ndeef a ƭat ale no Yaal oxe, ne daan den a ndeeftuuna ndax nam.»

2 Sami’el 24:1

Bes, o Yaal oxe a dakooxa o fuuxan Ii-isra’el we soo a riñ a Dawid ta fi kaa na maƭarkaa a den. A layaan ee: «Reti o lim wiin we Isra’el fa Yudaa.»

A kim a tedu ke 11:5

O Yaal oxe kaa ɗeetlooxaa o cofu xe fo o soxodu xe soo a sib oxe fexna mbariƴ.

Mberaand 15:1

Ye keene a faafna, o Yaal oxe a daawna a Abram fa lay um no ƭaaɗ ee: «Abram, ba o saɗar! Mi fa xoox es refu pegoor of, too saɗig of xan a magin tigi.»

Mberaand 21:11

Fa lay faaga a feƭar’a a Abraham tigi, yaam Isma’el oo o ƥeem a reeƭu.

Mberaand 37:13

Bes, Isra’el a laya a Yoseef ee: «Mee ndax fog faap we wo Sikeem a molku! Gari, bo um lulong maa den!» A doonaan ee: «Iyo!»

Mberaand 46:2

No yeng olaaga, Roog a laya fa Yakoob no ƭaaɗ ee: «Yakoob! Yakoob!» A doonaan ee: «Oow! Mexey!»

1 Sami’el 3:4

Maaga, o Yaal oxe a xoya a Sami’el. Sami’el a jaaɓa yee: «Oow, mexey!»