Mberaand 21:34 - NQAARIIT NE ROOG

³⁴ Abraham a reeƭa o gataakoon boo miñu kam saax le no Fiifilista we.

Mberaand 21:34 Referans Kwoze

1 Piyeer 2:11

Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.

Hebre 11:13

Wiin weene fop a nqona kam o ngim onqe. Ndaawee paax ke Roog a reg’ina a den. Den fa qoox den sax a laya yee genar fo waa laqooxiidna na adna feeke a ndefu. Kaa ƈookoogu paax keene koƭu, soo a simnaa a den.

Hebre 11:9

O ngim tax’u ta jaɓ o ñoowaa nen o gataakoon no saax laa Roog a reg’uuna. Kam ƭiif a genoogu nen a Isaak fa Yakoob we ndaaw’ina ndegit leng neene na Roog.

A kim a tedu ke 39:12

Kaa o yaraa o kiin oxe, yaa o xawtan tooñ um, ŋereñaa ke ta moƴna o bug nen max. Ndigil oo, wiin we fop nqeñ doŋ a ndefu. A maaf

1 Caloori ke 29:15

Kaa i ndef mbaambir of genar fo xa kataakoon nen daan in fop, ñaal ke in took lanq ke a ndef nen yook too i njegee yaakaar leng.

Mberaand 20:1

Abraham a inoora no jegel olaa ta reeƭna ndax ta ret no ɓemb-roog o ñamaak. A dala ndeer Kades fa Suur. A reta Geraar, a refaa maaga o gataakoon.

Mberaand 22:19

Abraham a nomtooxiida me no dag we ten, soo da yoon, a nqaad Beer-Seeba, yaam maaga Abraham a genoogu.