Mberaand 21:33 - NQAARIIT NE ROOG

³³ Abraham a jimba purndu kam Beer-Seeba. A ƴufginoora gon le no Yaal oxe Roog fee na refkaa boo faw.

Mberaand 21:33 Referans Kwoze

1 Timote 1:17

Roog fee mosna mos o refaa o maad, xonkee muk, too waagaand o ga. O ten soom refu Roog. Fat wiin we a ƥoxotin o niwel fo o ndam bo na moos boo moos. Amiini.

Esayi 40:28

Ndax kaa andino? Ndax kaa nanino? O Yaal oxe refu Roog bo na moos boo moos. O ten saku adna fee, a xotit no cat boo no cat. Naagee o xijaa, too doole um wañooxkee muk. O leng waagee paang o jeg-yiif um fop.

A kim a tedu ke 90:2

Yaaga xa coong axe njegafulee, yaaga sax sakafuliro lanq ke fa adna fee, yaaga boo fa ndiik wo refu Roog, too wo na refkan bo na moos boo moos.

Yeremi 10:10

Kaa koy, o Yaal oxe refu Roog fa ndigil fee, a ref Roog fa ñoow jok fee, o maad oxe na refkaa boo faw. A fuuxangaa, lanq ke a yo’noox, too qeet ke ngatlee xulmbax um.

O leetar ole Pool a bindna GIMU WE NGENNA ROM 16:26

Ndiiki, kaa feeñlel kam a safe ke no duleer we, ne Roog fee na refkaa boo faw a heblituuna. Keene koy kaa andnoorel qeet ke fop, ndax da ngim, too a nanan.

Mberaand 12:8

Cinj kaaga, a ɗisa ƭiif ke ten, ndax ta ret na xa coong axaa no batand naa Betel. A sipa ƭiif um ndeer Betel refna no mudand fa Ay refna no batand. A maxana o Yaal oxe maaga o sadaxand, soo a ƴufginoor gon le no Yaal oxe.

Mberaand 4:26

Set itam a rima o ƥiy o ngoor, soo a ne’in Enos. No kaa xotitna maaga, gon le no Yaal oxe a reefu a ƴufginooreel.

A cangatin ale 33:27

Roog fee na refkaa boo faw refu njaɓnooxand of, a naax ake na ndefkaa boo kili a ndeegooxong. Ten na raxaa fañ we mbaambir of soo a heblong o moocand a den.

O leetar ole Pool a bindna GIMU WE NGENNA ROM 1:20

Naa adna a sake, ke waagaandeena o ga na Roog, refna katil mbaafkeer ne ten fo ke ta refna, a mbeeña no ke ta sakna. Meene o mat, wiin we a mbaagu o andit a den. Ten taxu boog, mbaagkaand o mbaasan,

Amos 8:14

yaam kaa ndaaɓoortaa bakaad fee Samari yee: ‹Ndeer es fo xe na faɗooxeel Dan!› fo ‹Ndeer es fo o Cegu doole xe Beer-Seeba!› Ten taxu xan da yen, too inooxkatee muk.»

Esayi 57:15

Keeke oxe hupna fop, ngenand um a ref boo faw, too gon um a ref o Tedu xe, a layu: «Kaam gen took-ee-took fo no tedel, ndaa kaam gen itam fo we ngooyna too a njeg yiif neewandooxu, ndax um ñoowdand we neewandooxna soo ɗaaynoor we ngooyna.

Haahate we 3:7

Ii-isra’el we a mbi’a kaa faaxeerna na kid no Yaal oxe Roog den, a mbeecit o Yaal oxe Roog den soo a mbaɗooxaa a Baaliin, Aserayiin.

A cangatin ale 16:21

«Ba nu lup o daaƴ o leng mbaat nu njimb taxar tedu paam o sadaxand ole nu maxankaa o Yaal oxe Roog nuun.

Mberaand 26:33

Isaak a ne’a a ngas alaaga Siiba. Ten taxu teeru faa a ne’el Beer-Seeba boo no ñaal ne xaye.

Mberaand 26:25

Isaak a maxa maaga o sadaxand, a ƴufginoor gon le no Yaal oxe, soo a sip maaga ƭiif um. Dag we ten a mbaqahina maaga a ngas.

Mberaand 26:23

A inoora maaga, a ret Beer-Seeba.

Hebre 13:8

Yeesu Kiristaa o leng kut oo: Ten refu oxe faak, a ref oxe xaye, too ten na refkaa boo kili.

Mberaand 21:32

Neene a ngiɓoortu boog kam Beer-Seeba. Cinj kaaga, Abimelek a inooxa, ten fa Pikol fee o aa-adax no xiixire we ten, soo a nomtoox no saax laa no Fiifilista waa.

A sutax ale 15:18

Xan o Yaal oxe a maadooxaa bo na moos boo moos.»

A cangatin ale 32:40

Kaam letin o ɓay es farna fa asamaan soo daaɓoox ee: Ne ta wooritna yee mexe ñoowaa boo kili,

A kim a tedu ke 93:2

O Yaal oxe, uum-maamaad le wo kaa saƭik koŋ no kaa xotitna no mberaand naa. Wo refu yaaga dara sakafulaand.

Habakuk 1:12

O Yaal oxe Roog es, o Tedu xe mi, ndax refiro, yaa leng a andeerna, wo fee xonkeerna! Cey, o Yaal oxe, dalnaa Kaakalde we, ndax da mbadin kate of took in! Wo fee refna ɓil saƭku le, sutiidaa a den, ndax da nqaw a in.