Mberaand 21:27 - NQAARIIT NE ROOG

²⁷ Maaga, Abraham a ci’a a Abimelek a ked fo qoox, soo den ɗik fop da ngiɓoor.

Mberaand 21:27 Referans Kwoze

Galati 3:15

Fog we, ndiiki kaam bug o lay kaa andoona yee oxuu refna a andaan: Boo wiin a njofoorna no tig mbaambir no seede, o leng waagatiran o laaf, too o leng waagatee o ɓaat teen tig.

O leetar ole Pool a bindna GIMU WE NGENNA ROM 1:31

Kaa nqon a yiif, ndeyaand o ngooloox, a ñak o njek fo o liir.

Heseki’el 17:13

A jila dugatin no kurcala le no maad oxe, a dalin fo ten ngiɓoor, a daaɓooxnoorin. A ɓisa wiin maak we no saax le,

Esayi 32:8

Kaa koy, oxe mosna kam a qalaat a mosu a saqaa, too a pi a mosu soom na inan.

Xa peƭit axe 21:14

Ci’it ne cooxteena na kunpa kaa ɓoosdandaa fuux, neexil ne ɓoxoteena na pet a riimnaa ngañak.

Xa peƭit axe 18:24

A jega we na mbi’ooxaa qaariit too ndefiran, xaariit o ñis o leng o mat moƴu mbog faap fa yaay.

Xa peƭit axe 18:16

Neexil kaa wetanaa o yaal um a ƭat, a ɓisin me no wiin maak we.

Xa peƭit axe 17:8

A jega waa mboogna yee nger kaa ref ɓil laa na gartaa muud, muu da ndetna, a njeg ne da mbugna.

1 Sami’el 18:3

Yoonatan o mat, a hiɓa fa Dawid nqaariit, yaam kaa fexit’un nen a xoox um.

Mberaand 31:44

Gari i ngiɓoor, too keene fat a ref o seede xaye a ndeer es fa wo.»

Mberaand 14:13

O leng oxaa ɓostooxna a gara, a yegnin a Abram o Hebre xe genoogna no kariñ kaa Mamre. Mamre o Aa-amori a reeƭu, a ref o pog Eskol fa Aneer we nqaariitoor’ina fa Abram.

Mberaand 21:26

Abimelek a doonaan ee: «Andiim oxaa fi’na kaaga de, yegniraamo o ten, too mi fa xoox es mexey sogan o yeg xaye.»

Mberaand 21:28

Abraham a dalfooxa o say fo mbaal ɓetuu ƭik.