Mberaand 21:23 - NQAARIIT NE ROOG

²³ Ndiiki koy, daaɓooxi meeke no gon Roog ee naxkiraamo, naxkiro xa ƥees mbaat xa taan es, too xan o paaxel of a ref no saax leeke refiidoona o gataakoon, ne o paaxel ole mi a refitna fa wo.»

Mberaand 21:23 Referans Kwoze

Yosuwe 2:12

Ndiiki koy, ndaaɓooxyo no Yaal oxe yee xan nu mbaax no ƥasil ne faap es ne faaxtuuma na nuun, soo cooxaam teen o anddiloor o xoolu.

Mberaand 20:14

Abimelek a cooxa a Abraham a ked fo qoox, faɗ fo jeefeer, soo a ɓoxotin a Saara fee o teem.

Hebre 6:16

Boo wiin we a ndaaɓooxaa, kaa mbi’an no gon no xaa hupna a den, too keene a naaga o laltaa yee ñimatir den a ɗega.

2 Korint 1:23

Mi koy, Roog refu o seede es, too o laaw es doonum teen. O fañaa o toroxand a nuun soom taxu um heboox o ñak o nomtooxiid Korint.

Yeremi 4:2

daaɓoortaa o Yaal oxe na ñoowaa fo ndigil fo a ƭat fo o cofel, maaga qeet lakas ke sax na wo a mbarke’itkeel soo a mbakoortaxam.»

1 Sami’el 30:15

Dawid a laamtaan ee: «Ndax jaɓaxamo o ɓis boo no faan yaayaq laaga?» O koor oxaa a doonaan ee: «O daaɓooxangaa mbaambir Roog ee warkiraamo, too ɓoxotkiraamo o yaal es, waagaaxoong o ɓis boo maa den.»

1 Sami’el 20:42

Yoonatan a laya a Dawid ee: «Reti fa jam. Ndiiki koy, ke i ndaaɓooxna mbaambir no Yaal oxe, a saƭka, too o Yaal oxe refu o seede a ndeer es fa wo, a ndeer xa taan es fo xa taan of boo kili.»

1 Sami’el 20:17

Yoonatan a daaɓooxnoora a Dawid no mbeq onqe da mbexirna, yaam kaa fexit’un nen a xoox um.

1 Sami’el 20:13

Kaa koy, a soƥangaa yee faap es kaa yuuɓanong paaxeer, too yegniroong o ten, fañong o xaƴ o ret na jam, yaasam o Yaal oxe a halakaam, mi Yoonatan. Yaaga boog, yaasam o Yaal oxe a ref fa wo, ne ta refit’ina fa faap es.

A cangatin ale 6:13

Fat nu saɗar o Yaal oxe Roog nuun, mbaɗooxan ten doŋ soo ndaaɓooxaa no gon um soom.

Mberaand 31:53

Yaasam Roog fee Abraham fa Nakoor a ref o seede a ndeer in.» Maaga, Yakoob a daaɓooxa na Roog fee sendnoor’ina a Isaak fee faap um.

Mberaand 31:44

Gari i ngiɓoor, too keene fat a ref o seede xaye a ndeer es fa wo.»

Mberaand 26:28

A ndoonaan ee: «I nga’a yee o Yaal oxe xey fa wo. Ten taxu i lay ee fat ngiɓoor a ref a ndeer in fa wo.

Mberaand 24:3

soo um daaɓooxnoorong no Yaal oxe Roog fee na asamaan, Roog fee no lanq ke yee waaƭanitkiro o ƥees o ngoor onqe o tew no Kaakanaan we genuuma a ndeer den.

Mberaand 21:24

Abraham a doonaan ee: «Daaɓooxaanum!»

Mberaand 47:31

Yakoob a layaan ee: «Daaɓooxeen!» Maaga, Yoseef a daaɓooxaan. Isra’el a gunga na caf njong um.

Mberaand 39:3

O yaal mbind um a ga’a yee o Yaal oxe xey fa Yoseef, boo no kuu oxeene a ɓek’ina o ɓay um rek, o Yaal oxe a barke’in.