Mberaand 21:22 - NQAARIIT NE ROOG

²² Na jamaane faaga, Abimelek a yoona fa Pikol fee o aa-adax no xiixire we ten, soo a lay a Abraham ee: «Roog oxey fa wo no fop ke o fi’aa.

Mberaand 21:22 Referans Kwoze

Mberaand 26:26

Abimelek a inoora Geraar, a gar me ten, a yooniid fa xaariit um Ahusat fa Pikol fee o aa-adax no xiixire we ten.

Yosuwe 3:7

O Yaal oxe a laya a Yosuwe yee: «No ke xotitna no ñaal ne xaye xam fi’ong o kiin o maak na kid no Ii-isra’el we fop, too xan da and ee mexey fa wo ne refit’uuma fa Moyiis.

Mberaand 26:28

A ndoonaan ee: «I nga’a yee o Yaal oxe xey fa wo. Ten taxu i lay ee fat ngiɓoor a ref a ndeer in fa wo.

Mberaand 20:2

Abraham kaa layoogu na Saara fee o teem ee o cigeen um oo. Maaga, Abimelek fee o maad Geraar a gifa a Saara.

Hebre 13:5

Baa o ñoow nuun a haan na baaƭ xaaliis soom. Ndamyo no ke nu njegna rek, yaam Roog kaa lay ee: «Xaƴkiroong muk too deɓkiroong»

1 Korint 14:25

ke reeƭna no xeeñ um fop a huytoox, too oxaaga xan a gung, a faɗoox a Roog, a yegnitik ee «Roog oxey a ndeer nuun tigi».

O leetar ole Pool a bindna GIMU WE NGENNA ROM 8:31

Xar i ƥaatkaa o lay no keene koy? Roog a refanangaa a in, an na waagankaa a in tig?

Esayi 8:10

Nu mbaaga o yuuɓ kuu nu mbugna, ndaa kasaara doŋ a refkaa. Nu mbaaga o ngukir kuu refeerna, ndaa yaq a ƥay o don a refkaa, yaam Roog oxey fa in.

Mbeeñil 3:9

Keeke refu ke um fi’kaa we mbogna no mbind a qeƭ ne Saytaane. Xam cooxong maamaaɓ weene na layooxaa Yaawuur, too ndefiran. Xam ser a den da ngar me wo, a ngooknoox na caf of, too a ƥoxotong tedaanga. Neene, xan da and ee fexaaxoong.

Mace 1:23

«Xan o toog oxaa andeerna adna a ref fo fud, too xan a ñoot o ƥiy o ngoor onqaa na ne’keel Imanu’el», tekitna «Roog oxey fa in».

Sakari 8:23

No ñaal kaaga, wiin xarɓaxay waa mbogeerna lak xan a saaƭoox no noflax ndoki no Yaawuur oxuu refna, a layan ee: ‹Kaa i mbug o yoon fa nuun, yaam i nana yee Roog oxey fa nuun.› Mi o Yaal oxe Hupna fop layun.»

Esayi 45:14

Wo Isra’el, keeke o Yaal oxe a layong: «Kalal ke no Miimisira we fo ke Kuukuus we a njegtaa no cula ke den fo Seeseeba we na nandtaa tof caang xan a mbod no ɓay of, soo o jegat a den. Qeet keene xan a ndeefang, a ñaaƴtaa a ceng. Xan a ngungaa mbaambir of, a nqeɗooxang, a ndamtin ee: ‹Me wo soom Roog a refu. Jegee roog fa lakas, a refangee ten.› »

2 Caloori ke 1:1

Salomo fee o ƥiy Dawid a saƭkanda maat um, too o Yaal oxe Roog um a reeƭa fo ten, a fi’in o maad o maak.

Mberaand 30:27

Laban a layaan ee: «A soƥangaa yee daawaam yirmande of, yoqi mene. Kaam layel no mbeeñil ee wo taxu o Yaal oxe a barke’aam.»

Mberaand 20:17

Abraham a xeɗa a Roog, soo ta wodand a Abimelek fo o teem fo jeefeer um. Rew we a mbaag’ata o njeg xa ƥiy.

Mberaand 28:15

Mi fa xoox es, mexey fa wo. Xam saytooxong muu refoona, too xam nomtiidong o mbiñ onqene. Xaƴkiroong muk a refangee kaa um fadin ke layuuma.»

Mberaand 20:14

Abimelek a cooxa a Abraham a ked fo qoox, faɗ fo jeefeer, soo a ɓoxotin a Saara fee o teem.

Mberaand 31:5

A laya a den ee: «Kaam ɗeetloox ee a tagid faap nuun letatee na mi nen eetaand. Kaa koy, Roog fee na faap es a reeƭa fa mi.

1 Sami’el 3:19

Sami’el a maakooga. O Yaal oxe a reeƭa fo ten, too xaƴoogee o ɗelem o leng a fe a koƥ na xa ɗelem axe Sami’el a layoogna fop.

2 Sami’el 24:7

A suura boo no saŋe naa Tiir fo no teeru ke no Hiihiwi we fop fo ke no Kaakanaan we, a mbaasooxan a Beer-Seeba farna fo ɓemb-roog o ñamaak no fiisel olaa Yudaa.

1 Sami’el 24:22

Me ta refna koy, kaam xeɗang o daaɓoox no Yaal oxe yee a cinj fa nqon es moocandkiro xa taan es too ñufkiro gon es ndeer ƥasil es.»