Mberaand 21:21 - NQAARIIT NE ROOG

²¹ Na koƥ-a-ƥor alaa Paaraan a gen’u, soo ya um a waaƭanin o tew o Miimisira.

Mberaand 21:21 Referans Kwoze

1 Korint 7:38

oxaaga a fi’a paax. Oxe ci’itna o ƥeem a tolax a fi’a paax, oxe ci’teerna o ƥeem a tolax a fi kaa moƴna o faax.

1 Sami’el 25:1

Sami’el a xona, too Ii-isra’el we fop a mbokatoora, ndax da mboyin. A ngasaan na teeru faa Rama, me ta gen’ina. Cinj kaaga, Dawid a inooxa, a ret na koƥ-a-ƥor alaa Paaraan.

Haahate we 14:2

Ye ta gatna, a wetandooxaan a faap um fa ya um, a lay ee: «Ga’aam o toog o Fiifilista kam Timna too kaam bug nu nqeɗankaam o ten o tew.»

A lim ale 13:26

Yaa da mbadiidna, a ndalfooxa o ndet maa Moyiis fa Aaroon fa xeet fee Isra’el fop, ndeeƭna Kades kam a koƥ-a-ƥor alaa Paaraan. A mbetandooxa a den ke da nga’’ina fop soo a lal a den xa tim axe da ƥistiid’ina no saax laa.

A lim ale 13:3

Moyiis a lulta a den na koƥ-a-ƥor alaa Paaraan, ne o Yaal oxe a heblit’uuna. Goor weene fop kelfa a ndeeƭu no Ii-isra’el we.

A lim ale 12:16

Cinj kaaga, xeet fee a inoorta Haseroot soo a ndalik na koƥ-a-ƥor ale Paaraan.

A lim ale 10:12

Ii-isra’el we a inoora na koƥ-a-ƥor alaa Sinayi, a ƭisoorit ne da ngeblit’eena o ten. Eel le a reta, a geenoox na koƥ-a-ƥor alaa Paaraan.

Mberaand 27:46

Rebeka a laya a Isaak ee: «O ñoow kaa wataam xus nen ƈaq yaam roog we no Heeheet we. Boo Yakoob a waaƭitna o tew no roog we no Heeheet we ndefna no saax le, andiim xar deyum o ñoowaa!»

Mberaand 14:6

soo Hoohori we, da nqawit a den na xa coong axe den Seyiir boo a waaƭik ngariñ naa Paaraan paam a koƥ-a-ƥor alaa.

Mberaand 25:18

We mbaqaqoorna na Isma’el a ngena me xotitna Hawila boo no saax laa Suur jasnoorna fa Misira yaa o retaa Asuur. Isma’el a ñoowooga no njofooraƭar fo fog um.

Habakuk 3:3

Roog oxe inoortiidaa Temaan, o Tedu xe xe inoortiidaa no joong olaa Paaraan. A maaf O magnel um kaa muur a asamaan, lanq ke fop a simatan.

Mberaand 16:3

Maaga, Saarayi fee o tew Abram a janga a Agaar fee o Miimisira xe refna ref o ceefeer um, a cooxin a Abram fee o kor um a cinj ye da ngenna xa kiid xarɓaxay kam saax laa Kanaan.

1 Maad we 11:18

A inoora Majan, a ndet Paaraan, a nqotit maaga goor leng-leng soo a ngar maa Firawon fee o maad Misira. Firawon fee a cooxa a Hadad mbind, a saq o ñoow um soo a ci’in lanq.

2 Caloori ke 24:3

Yehoyada a waaƭana a Yowaas rew ɗik soo Yowaas a jeg xa ƥiy xa koor fo xa ƥiy xa tew.

Yeremi 29:6

Ngiligyo, ndimik xa ƥiy xa koor fo xa tew, ngilgan xa ƥiy xa koor axe nuun soo ci’it xa ƥiy xa tew axe nuun a tolax, ndax da ndim xa ƥiy xa koor fo xa tew. Mayƭandyo meene nu ndefna too ba nu mbañoox.