Biblia Todo Logo
Bib sou entènèt

- Piblisite -




Mberaand 21:17 - NQAARIIT NE ROOG

17 Roog a nana xa buuq axe no goor ole. Malaaka fee no Yaal oxe a foda na asamaan, a xoy a Agaar, a layin ee: «Agaar xar oo? Ba o saɗar dara, yaam Roog a nana xa buuq axe no goor ole meene ta refna sax.

Gade chapit la Kopi




Mberaand 21:17
31 Referans Kwoze  

Malaaka fee no Yaal oxe a ɓaata teen ee: «Me ta refna o fud saqo. Xan o ñoot o ƥiy o ngoor, too fat o ne’in Isma’el, yaam o Yaal oxe a nana xa iin of.


Ƴufginooxaam, yaa refoona na naqad, xam muclong, soo o ɓoxotaam o ndam.»


O Yaal oxe a layahina yee: «Ga’aam ne xeet es a xijliteel no saax laa Misira, too nanaam xa buuq den, yaam ne da ñaatlandeel. Kaam ee andaam coono den.


Xan a ƴufginooxaam, too xam jaaɓin. Xam ref fo ten, yaa ta refna na naqad. Xam watin, ɓoxotin o ndam.


Kaa koy, Yeesu nan-giloox’ee a ƭelem akeene, too a laya kelfa fee no mbind a qeƭ naa yee: «Ba o diid, gimi rek!»


Maaga, Yeesu a xoya daalbe um, a lay a den ee: «Wiin wene kaa yuɗaam lool, yaam ñaal tadik key kaa da ndefna paam es, too njegatee tus kaa da ñaamna. Bugiim o nomit a den fo nqeex, yaam ndik da ñak doole na ƭat ale.»


ba o saɗar, yaam mexey fa wo. Ba o firiɓ, yaam mi refu Roog of. Kaam saƭkandang, ƴufgang soo damtang o ɓay o ñamaak es ole ɓonooxna o cofel.


Ke layeena na «Yulanq ale no mbeeñil ne»: Yeerusaleem, xar damong boo we ngenoonga fop a ŋaay na xa tung-took axe,


Wo Roog, kam teeru fee Siyoŋ i ngelaang o simat too mbadin a tegit in fa wo,


Kaa koy, o Yaal oxe a yirma a den soo a waasan a den yaam ngiɓoor ne ta dalin’ina fa Abraham fa Isaak fa Yakoob. Bug’ee o moocand a den, too boo xaye deɓee a den maa goƭuuna.


Yehowahas a xeɗooxa o Yaal oxe, soo ta nan-giloox a qeƭ um, yaam a ga ne o maad oxe Araam a toroxandtaa Ii-isra’el we.


Sawul fee sog’ina o gataa na xa qol axaa, a adin qoox ke ten, a jopra fo kaaga, too a laamta yee: «Xar xewu boo xeet fee a mbaɗooxaa?» A jangtooxe ke duleer we inoor’ina Yabes a lay’ina.


Weene kaa mbalalooxoogu we na carind ale Dan, soo da mbiƈaqiloox, a lay a Mise yee: «Ndi xar xewɗo boo fokat wiin weene fop?»


Nu mbariraam o mben, mi fee Roog nuun mbaat nu saloox a kelfa xeet nuun.


Xam fuux, warnoor a nuun na xire, too yaaga rew nuun na ndefkataa ñaaw we, soo xa ƥiy nuun a ndefat xa baan axe.


Moyiis a doona xeet fee yee: «Ba nu ndiid. Moofyo o mbiñ o leng. Xaye xan nu nga ne o Yaal oxe a watitkaa a nuun, yaam Miimisira wene nu nga’aa, xaye nu ngijkataa o nga a den.


Roog a layaan ee: «Mi refu Roog, Roog fee na faap of, ba o saɗar o ret Misira, yaam maaga um fi’itkang o refat xeet fa maak.


Malaaka fee no Yaal oxe a layaan ee: «Nomtooxi maa no yaal of, too neewandoox no ɓay um.»


Ye keene a faafna, o Yaal oxe a daawna a Abram fa lay um no ƭaaɗ ee: «Abram, ba o saɗar! Mi fa xoox es refu pegoor of, too saɗig of xan a magin tigi.»


Malaaka no Yaal oxe a soƥa a Agaar paam a cur foofi kam a koƥ-a-ƥor alaa, na cur alaa refna paam a ƭat alaa jofna Suur.


Maaga, malaaka no Yaal oxe a foda na asamaan, a xoy a Abraham, a layin ee: «Abraham! Abraham oow!» Abraham ee: «Oow!»


O Yaal oxe Roog fee na asamaan suttaxama no mbind faap es fo no mbaafaap es, a layaam fo a taaƥ ee: ‹Saax lene xam ci’in xa taan of!› ten fa xoox um xan a heblanong malaaka um ta adooxanong. Maaga boog, o waaƭanitkaa o ƥees o tew.


No yeng olaaga, o Yaal oxe a feeñooxaan, a layin ee: «Mi refu Roog fee na faap of Abraham. Xam barke’ong soo mayƭand xa taan of yaam o tag es Abraham.»


Maaga, malaaka fee no Yaal oxe a feeñooxaan kam ƈulfaan fiɗel laa refna ndeer ee ndeer ngol. Moyiis a deɓa a kid um too a ga’a ngol ne a jirjirnaa fa fiɗel too waagee o sooy.


Maaga, i ƈufginooxa o Yaal oxe Roog fee no daan in, too a nana xa ñuxur in, a ga ne i toroxandteel fo coono ke in fo o ñaat ole in.


A kid es kaa niifaarat yaam naqad, a mbemekel yaam fañ es fop.


A layaan ee: «Agaar fee o ceefeer Saarayi, mam inooro fo mam o jofaa?» Agaar a doonaan ee: «Saarayi fee o yaal es um ƴufaa!»


Wo o mat, dara kunpa’irang. Kaa o ga’aa we na coono’aa fo we naqadilooxna, ndax o saytoorit a den o ɓay of. O ñaatu xe na wo a ɓoxotooxaa, too kaa o ƴufgaa o waan ole.


Swiv nou:

Piblisite


Piblisite