Mberaand 21:14 - NQAARIIT NE ROOG

¹⁴ Abraham a inooxa ƥiiɓ teel, a xot puuru fo mboxos, a cooxin a Agaar ta gadooxin. A cooxaan itam o goor ole, soo a raxin. Agaar a reta, a mo’ik kam a koƥ-a-ƥor alaa Beer-Seeba.

Mberaand 21:14 Referans Kwoze

YEGIL MBAAX NE YEESU ne Saŋ a bindtuuna 8:35

O paɗ koy, a paƴ um nqooɗee no mbind no yaal um, ndaa ake no ƥiy o ndime nqe o mat a nqooɗa, too teen a genkaa boo faw.

O baawaare xe 9:10

Kuu waagoona o fi’it doole of, fi’een, yaam kam jaaniif fee o jofaa jegee a pi mbaat a qalaat, o and mbaat o jeg-yiif.

Xa peƭit axe 27:14

Boo o kiin a falalooxna a xaariit um ƥiiɓ teel, a bug oo salanan barke, ndaa xan a ɗeetel nen a salax.

A kim a tedu ke 119:60

Fodandooxiim, kaam ñofandooxaa, ndax um gay kebil of.

A kim a tedu ke 107:4

Kaa njoqooyooxoogu kam a koƥ-a-ƥor ale, no saax laa jegeerna a ƭat a leng, too nga’ee teeru faa geneena.

1 Maad we 19:3

Yaa Eliya a nanna kaaga, a inooxa a ƴuf, ndax ta mucil o ñis um. A fadiida Beer-Seeba no saax laa Yudaa, a xaƴ maaga surga fee ten.

Mberaand 26:31

A inooxa ƥiiɓ teel, a ngiɓoor fo a taaƥ. Isaak a xaƴa a den, soo da nqaad na jam.

Mberaand 25:6

Abraham a cooxa xa ƥiy axe no keƈ-a-salma ke ten ci’it, too ye ta maadna o ñoowaa, a ɓisa a den maa goƭna a Isaak fee o ƥeem farna fo batand no saax le no batand.

Mberaand 21:31

Ten taxu o mbiñ onqaaga a ne’el Beer-Seeba, yaam maaga a ndaaɓoorit’u den ɗik fop.

Mberaand 16:7

Malaaka no Yaal oxe a soƥa a Agaar paam a cur foofi kam a koƥ-a-ƥor alaa, na cur alaa refna paam a ƭat alaa jofna Suur.

Esayi 16:8

A ƭing taxar biiñ ake Hesebon fo ake Sibma a leeƥa, den we xa tim den a maafnooroogna yaal a saax ake. Kaa nqay’u boo Yaseer, a sax muu refna kam a koƥ-a-ƥor ale, soo a njol o maag ole.

Mberaand 46:1

Isra’el a xota a ƭat, ten fo ke ta jegna fop. A fadiida Beer-Seeba, soo a ɓoxot a Roog fee na faap um Isaak sadax.

Mberaand 37:15

Ye ta joqooyooxaa kam a koƥ ale, o koor a xeta fo ten, a laamtin ee: «Ndi xar o waaƭaa?»

Mberaand 26:33

Isaak a ne’a a ngas alaaga Siiba. Ten taxu teeru faa a ne’el Beer-Seeba boo no ñaal ne xaye.

Mberaand 24:54

Cinj kaaga, o tag oxe fo yoon um a ñaama, a yer, soo a mbe maaga. No feet nqes olaa, o tag oxe a laya yee: «Kaam jaɓ o nomtoox me no yaal mbind es.»

Mberaand 22:19

Abraham a nomtooxiida me no dag we ten, soo da yoon, a nqaad Beer-Seeba, yaam maaga Abraham a genoogu.

Mberaand 22:3

Abraham a inooxa ƥiiɓ teel, a humin o faam um, soo a yoon fo dag ɗik fa Isaak fee o ƥeem. A seɓa xa cuuƭ axaa ta doxitna sadax fee, soo a xot a ƭat ndax ta ret no mbiñ onqe Roog a lay’uuna.

Mberaand 21:33

Abraham a jimba purndu kam Beer-Seeba. A ƴufginoora gon le no Yaal oxe Roog fee na refkaa boo faw.

Mberaand 19:27

Abraham a inooxa ƥiiɓ teel ndax ta ret no mbiñ onqe ta geenoor’ina mbaambir no Yaal oxe.

Mberaand 21:13

Xam fi itam o ƥiy o ngoor onqe no ceefeer of a ref o taan no xeet fa maak, yaam na wo a faqaqooru.»

Mberaand 21:15

Ye foofi le kam mboxos ne a fagna, Agaar a moofna o goor ole no mbafid,

Xa peƭit axe 27:8

O kiin oxe na widaa maa goƭna mbind um kaa nand nen ndiiƭ naa goƭna ndaang um.

Mberaand 28:18

Yakoob a inooxa ƥiiɓ teel, a jang ɓil le ta hakandoox’ina, a sipin ta ref betandoor, soo a yip took fee diwliin.

Yosuwe 3:1

No feet olaa ƥiiɓ teel Yosuwe fo Ii-isra’el we fop a inoora Sitiim, a ngar bo no xuluɓ olaa Yordaan soo a mbe’aa maaga, a cungaa yaa da njootkaa.

1 Sami’el 15:12

No feet olaa, Sami’el a inooxa ƥiiɓ teel, ndax ta xetik fa Sawul. A laye yee: «Sawul a reta na saate faa Karmel, ndax ta sipan a xoox um ɓil laa na wetandooreel o ndam onqe ten, cinj kaaga ta suur boo a fad Gilgal.»

2 Caloori ke 29:20

O maad Hiskiya a inooxa ƥiiɓ teel, a fokat kelfa ke na teeru fee, da ndet no Mbind ne no Yaal oxe.