Mberaand 20:9 - NQAARIIT NE ROOG

⁹ Abimelek a xoya itam a Abraham, a layin ee: «Xar fi’o a in kene? Tooñ num tooñoong boo a tax o ɓekaam, mi fo maat es, na bakaad fa mbod nene? Ke fi’oona naagee fi’eel!»

Mberaand 20:9 Referans Kwoze

Mberaand 12:18

Maaga, Firawon fee a xoyna a Abram, a layin ee: «Xar fi’axamo kene? Xar taxu layiraamo yee o teef oo?

Mberaand 39:9

Ten fa xoox um sax hupatiraam no mbind nene, too fañtiraam dara bo ta yoqaa wo, yaam o teem refo. Nam waagum boog o fi’it paaxeer nandu neene, soo tooñ a Roog?»

Mberaand 26:10

Maaga, Abimelek a layaan ee: «Xar fi’o a in kene! A yoq’a o ndik rek, o leng na xeet fee a wondoox fo o teef oxe, too wo ɓekkoogu a in no njakad onqaaga.»

Hebre 13:4

Fat fop a niw ndolnir ne, we ngiɓoorna no ndolnir ne a njeg ngor a ndeer den, yaam xan Roog a hate a cuut ake fo we na seeqaa.

Tiit 1:11

Weene koy, waraa o lal a den a ƭat, da naang cuxus. Kaa ndef taatas ƥasil, halal a tax da ndok na gaci boo a njangnataa kaa waraandeena o jangin.

O leetar ole Pool a bindna GIMU WE NGENNA ROM 2:11

yaam mbaambir Roog jegee camit leng no wiin we.

Xa peƭit axe 28:10

Oxe na ɗooqlooxaa jofu we na ƭat a paaxeer xan a yen kam gamb le ta waqna, wooru we mat xan a lam o ɗaay ole.

2 Sami’el 13:12

Tamaar a doonaan ee: «Bara o camin es, ba o gignaam, yaam keene naagee o jegaa kam Isra’el. Ba o fi gaci faaga muk.

2 Sami’el 12:5

Ndak fo ndak, cinj xa ƭelem axaaga, Dawid a fuuxana o koor oxeene ƭomu too a laya a Natan ee: «Ne ta wooritna yee o Yaal oxe xe ñoowaa, neene a woortu yee oxe fi’na kaaga, o warel doŋ a jaɓu.

Yosuwe 7:25

Yosuwe a laya a Akaan ee: «Wo o mat gartu taamaala fee in! Ndiiki koy, xan o Yaal oxe a doonong taamaala.» Maaga, Ii-isra’el we fop a mbartaan a kac, ten fo wiin um fop soo a ndox a den.

A paɗax ale 20:10

Boo o koor a seeqna fo o tew no kend um, den ɗik fop fat a mbarel.

A sutax ale 32:35

Maaga, o Yaal oxe a xawa xeet fee, yaam ne da mbi’noor’ina a Aaroon o nqeel onqe.

A sutax ale 32:21

Cinj kaaga, Moyiis a faambra fa Aaroon, a layin ee: «Xar xeet fee mbi’ong boo o xaƴ a den da mbi bakaad fa magnitu nene?»

Mberaand 38:24

Ngap a qool a tadak cinj kaaga, Yudaa a yegniide yee: «Tamaar fee o seemir of o tew kaa rok no caaxaan boo a xotit teen o fud!» Yudaa a heblita yee fat a sutel tafil, a doxel.

Mberaand 34:7

O ndeendeer onqe koy, xa ƥiy xa koor axe Yakoob a ngata, soo a yeg ke xew’ina. Goor waaga a ndalfooxa o yeg wen le na qoox den, soo a mbuux boo a mbuɓaa yaam Sikeem kaa fi’’u kaa waagaandeena o jaɓ ye ta giginna o ƥiy o ndew onqe Yakoob kam Isra’el. Keene kaa ref tig qoolaƭaru.

Mberaand 20:8

Abimelek a inooxa ƥiiɓ teel, a xoy dag we ten fop, a wetandoox a den kaaga fop. Dag waa a ndiida ƭomu.

Mberaand 20:10

Abimelek a layahina a Abraham ee: «Xar fosoox’o boo a tax o fesoor neeke?»

Mberaand 29:25

No feet nqes olaa Yakoob a ga’a yee tiye Leya a reeƭu. Maaga, a laya a Laban ee: «Xar fi’axamo kene? Mee ndax Rakel tax’u um jalanang. Xar taxu o naxaam boog?»