Mberaand 20:6 - NQAARIIT NE ROOG

⁶ Roog a layaan no ƭaaɗ ole yee: «Andaam kañ ee fo xeeñ xoolu fesoorto, too itam mi xañtong o tooñaam. Ten taxu um xañit o duqin.

Mberaand 20:6 Referans Kwoze

1 Sami’el 25:34

Ne ta wooritna yee o Yaal oxe Roog fee Isra’el oxe ñoowaa, ten fee xañtaxama um fi’ong paaxeer, neene a woortu yee o ñof’angee o xetiid fa mi, o feet ƥiiɓ teel o koor o leng ñoowkoogatee no mbind Nabal.»

1 Sami’el 25:26

Ndiiki koy, o yaal es, ne ta wooritna yee o Yaal oxe xe ñoowaa, o ñoowaa wo itam oo, o Yaal oxe fa xoox um sax xañtong a bar fo a tabdinax. Yaasam muj no fañ of fo we mbuganoonga paaxeer a nand fa fee Nabal.

Xa peƭit axe 21:1

A qalaat no maad kaa ndef nen a ƥaaxaand foofi no ɓay no Yaal oxe. Kaa ɓakandan muu feluuna.

Mberaand 35:5

Cinj kaaga, a ndeta. Roog kaa saɗarin’u we no teeru ke mbidna a den, too o leng reefee xa ƥiy xa koor axe Yakoob.

Mberaand 31:7

Kaa rek, faap nuun kaa ŋastaxam yaam a supta ndabid es boo a caf xarɓaxay, ndaa koy Roog ci’iran ta fi’aam paaxeer.

2 Tesalonik 2:7

Doole fa kunpa’u fee no njofaƭar ne kaa jalaa haat, ndaa koy, waagee o fesoor naa feltuuna boo yaa oxe na xañtan a inooxna meen.

A kim a tedu ke 84:11

Ñaal leng no maax ole no Mbind of rek moƴanaxam ñaal juni kaa ndefeena o mbiñ o lakas. Um moof no ndokand ne no Mbind ne Roog es moƴanaxam o gen no ƭiif ke no soxodu we,

A sutax ale 34:24

Xam rax qeet ke mbaambir nuun, riƈat xa ŋat axe, too o leng jeemkee o jaɓ saax nuun na caf a tadak akeene nu ŋaaykaa no hiid oluu watna, ndax nu ngeenoox mbaambir es, mi fee o Yaal oxe Roog nuun.

2 Korint 6:17

Ten taxu o Yaal oxe a lay ee: «Nu mbara njangoox a den, soo nqaajoor fa den. Ba nu nduq dara kaa xoolaƭarna, too yaaga xam dalin a nuun.

A kim a tedu ke 81:12

Kaa koy, xeet es nan-gilooxee o ñuxur es, Isra’el a fañaam faƥit.

A kim a tedu ke 51:4

Ɓogaam qac no tooñ es, xoolandaam na bakaad es.

Mberaand 39:9

Ten fa xoox um sax hupatiraam no mbind nene, too fañtiraam dara bo ta yoqaa wo, yaam o teem refo. Nam waagum boog o fi’it paaxeer nandu neene, soo tooñ a Roog?»

Mberaand 20:18

O Yaal oxe kaa xatin’u mbind Abimelek fop da ndefat rimar yaam Saara fee o tew Abraham.

2 Tesalonik 2:11

Ten taxu yoo Roog a riñ a den no ngulmataan o njegu doole nqaa taxna da ngim na xa maaƥ.

1 Korint 7:1

Ndiiki koy, fat i ngar no ke nu mbindaxama. Ke moƴna no koor, refu ta fañ o dolnirel.

A paɗax ale 6:2

ta daawin a Aaroon fo xa ƥeem bargal kene: «Sadax fa ndoxel fee a wara o yoq took o sadaxand ole o yeng ole fop boo no nqes ne, too fiɗel le waree o ñuf.

Mberaand 26:11

Maaga, Abimelek a heblita na xeet faa fop ee: «O kiin oxuu duqna o koor oxene mbaat o teem xan a warel.»

Mberaand 3:3

bo ta yoqaa xa tim axe no ndaxar ne refna ndeer a ƭing ale. Roog kaa lay ee: ‹Ba nu moɗin, too ba nu nduqin, a koom aluu nu mbi’uuna rek, xan nu nqon.› »

Mace 27:19

Yaa ta moofna no hate’and olaa, o teem a ɓisnitiidaan ee: «Baa jeg dara a ndeer of fo o kiin o cofu xeene! Xa ƭaaɗ kaa nqijlaam bo no yeng olene yaam o ten.»

Mberaand 31:24

Kaa koy, Roog a feeñooxa a Laban o Aa-araam oxe no ƭaaɗ, a layin ee: «Wootooxi o lay a Yakoob tig!»

Xa peƭit axe 6:29

Neene a nandu no xaa yoonna fo o tew no kiin o lakas. Oxuu duquuna ñakkaand o xaw.