Mberaand 20:5 - NQAARIIT NE ROOG

⁵ Ye Abraham a layaxama yee Saara o cigeen um oo, Saara yoo yee Abraham o camin um oo, nam waagum o andit ee o kor fo o teem oo? Ke fi’uuma kañ, xalaat fa mbaaxeer gartiran.»

Mberaand 20:5 Referans Kwoze

A kim a tedu ke 7:8

Fat qeet ke fop a ndeerong, o moof took uum-maamaad le wo, garit a den took.

1 Maad we 9:4

Wo o mat, boo damooxoona na mi ne faap of Dawid a damooxit’ina na mi fo xeeñ letu fo na ƭat, ndax o fi fop ke hebloonga, gay bargal es fo ke simtuuma,

1 Timote 1:13

mi fee andoona yee yaaga, kaam reeƭu oxaa na wenan, ñagadilaa we ngimna no ten, ref o kiin fo’oy. Kaa koy, daawaam yirmande, yaam kaa and’iim ke um fi’aa, took o ñak o ngim.

1 Tesalonik 2:10

A woora a nuun, too a woora a Roog itam ee a pesoorooƭ in mbaambir nuun we ngimna a lewa, a jof too a ñak ŋañel.

2 Korint 1:12

Kañoor in refu ke yiif in a seede’aa. A pesoorooƭ in kam adna fee, moƴtaa sax a ndeer nuun, kaa reeƭu no tedel fo no ngor naa hatna na Roog na pexey yirmande um fop, refee muk no and no kiin.

Dañel 6:22

Dañel a doona o maad oxe yee: «Daali maad, yaasam o xuuɗ!

Xa peƭit axe 20:7

O kiin oxe a jofangaa too a woor, xa ƥeem axe na nguutankan sax a ƭaaya.

Xa peƭit axe 11:3

O woor na ɗoxaa o kiin o cofu xe, o wooraƭar o mat a saŋkaa hoohod we.

A kim a tedu ke 78:72

Dawid a gaya a den fo xeeñ jegee ƥanjel, a ɗoxit a den xa ƥay xa cagu.

A kim a tedu ke 73:13

Yaaga boog xeeñ xoolu es fo xa ƥay es axe mbi’eerna paaxeer leng kasaara yoo.

A kim a tedu ke 26:6

Kaam laxadooxaa, ndax um lalit ee xoolaam qac, soo widaa o sadaxand ole wo, wo o Yaal oxe,

A kim a tedu ke 25:21

Fat o cofel fo a ƭat a saytooxaxam, yaam na wo yaakaar es a refu.

A kim a tedu ke 24:4

Ten refu oxe xa ƥay um a lewetna, too xeeñ um a xool, gaañitkee gon no Yaal oxe na xa koɓong too daaɓooxkee na xa maaƥ.

Ke bindeena no xe ne’eena YOB 33:9

«Mi, kaam xool qac, ñak bakaad, jof pec, too tooñ leng refee na mi.

1 Caloori ke 29:17

Wo Roog es, andaam ee kaa o horooxaa a qeeñ ake fop soo fex o cofel. Fi’anaaxoong boog ci’it ke mi no fud o letu kam o cofel ole no xeeñ es, too ga’aam xaye fo o ɗaay xeet of feeke ndefna fa mi a mbi’anong leng kut ke fi’uuma.

2 Maad we 20:3

«Ey, o Yaal oxe, wetandooxi yee ñaaƴaam mbaambir of fo ngor fo kam fa letu, too ke feloonga rek fi’oogum.» Cinj kaaga, xa kooniit um a yuura, ta naag ɓusiid a lool.

Yosuwe 22:22

«O Yaal katil oxe refu Roog, ii, ten refu o Yaal oxe! O Yaal katil oxe refu Roog, ii, ten refu o Yaal oxe! A anda ke taxna i mbi keeke, too Ii-isra’el we fop a mbaraan o and itam. A soƥangaa yee kaa i siiknoor fo o Yaal oxe mbaat i ngore’aƭar no ten, yaasam baa ta maadnoor a in o feet.

Mberaand 12:13

Fat o lay ee o cigeen es refo, ndax um dalnel a paax, soo o tax um muc.»

Mberaand 20:13

Ye Roog a joqooynooraxam maa goƭna mbind faap es, kaam lay a Saara yee: ‹Keeke refu ke um xeɗang. Muu i ndetna fat o lay ee o camin of refum.› »

Mberaand 20:16

A geleerooxa, a lay a Saara yee: «Cooxaam o camin of xa qanjar juni xaaliis ndax we ndefna fa wo fop a and ee njofaƭar leng dalee took of.»

A kim a tedu ke 7:9

O Yaal oxe, wo xe na hate’aa qeet ke, ɓoxotaam ɓur, yaam kaam jof soo ñak ƥanjel.