Mberaand 20:2 - NQAARIIT NE ROOG

² Abraham kaa layoogu na Saara fee o teem ee o cigeen um oo. Maaga, Abimelek fee o maad Geraar a gifa a Saara.

Mberaand 20:2 Referans Kwoze

Mberaand 12:15

A kag ake no maat ne Firawon a nga’aan itam, soo a yegnin a Firawon fee. Maaga, o tew oxe a ɓise no mbind no maad ne Firawon fee.

Mberaand 26:7

Ye wiin we no saax le a laamtan mayu kaa jofna no teem, a doona a den ee: ‹O cigeen es oo de!› Kaa saɗaroogu o lay a den ee o teem oo, ndik da mbarin, yaam Rebeka kaa mos’u lool.

Kolos 3:9

Ba nu maaɓraa itam, yaam nu mbolooxa no ngiin bakaad ne yaaga, ten fo a pi um.

Efees 4:25

Ten taxu, ngoƭatiryo fo o maaɓ. Fat oxuu refna a layaa o kend um ke refna ndigil, yaam in fop, in mbokatooru, mbog njer leng kut ne, oxuu refna a ref a seek no njer ne.

O baawaare xe 7:20

A woora kañ ee jegee took lanq ke o kiin o cofu xaa na fi’aa paax doŋ too bakaadkee.

Xa peƭit axe 24:16

O cofu xe a yenangaa boo a caf ɓetaa ƭaq sax oo, xan a inooxatin, soxodu we mat kaa njimbooxaa na taamaala.

2 Caloori ke 32:31

Kaa koy, no kaa farna no we kelfa ke Babilon a luliid’ina me ten ndax da laamit paru no anddiloor ole jeg’ina no saax leene, Roog a xaƴa a Hiskiya ndax ta ɗeetlooxin boo a and fop ke refna no xeeñ um.

2 Caloori ke 19:2

O ƭeet Yehu fee o ƥiy Hanani a xetooxiidaan, a layin ee: «Ndax soxodu we o bugko dimle’aa, soo fex we mbañna o Yaal oxe? O Yaal oxe kaa fuuxanong koy yaam ke fi’oona.

Mberaand 26:16

Abimelek a laya a Isaak ee: «Sutooxi saax in, yaam wo hupatu a in doole.»

Mberaand 26:1

Na jamaane faaga, biim a yena no saax le, fogreerna fo biim laa jeg’ina na jamaane Abraham. Maaga, Isaak a reta Geraar maa Abimelek fee o maad no Fiifilista we.

Mberaand 20:12

Kaa jolna keene sax, ndigil oo kañ o cigeen es oo, yaam o ƥiy faap es oo, ndaa i mbogee a yaay. Ten taxu ta refat o tees.

2 Caloori ke 20:37

Kaa koy, Eliyeseer fee o tuleer oxe too a ref o ƥiy Dodawa fee o Maamaresa a jo’ta a Yosafat ee: «Feek kaa o hiɓoor fa Ahasiya, xan o Yaal oxe a yaq ke jaloona.» A kaal akaa a nduguñooxa boo mbaagatee o ndet Tarsis.

Mberaand 21:22

Na jamaane faaga, Abimelek a yoona fa Pikol fee o aa-adax no xiixire we ten, soo a lay a Abraham ee: «Roog oxey fa wo no fop ke o fi’aa.

Xa peƭit axe 29:25

O saɗaraa wiin we kaa ref mbog, oxe hoolooxna o Yaal oxe mat a refaa no woor.

Xa peƭit axe 6:29

Neene a nandu no xaa yoonna fo o tew no kiin o lakas. Oxuu duquuna ñakkaand o xaw.