Mberaand 20:17 - NQAARIIT NE ROOG

¹⁷ Abraham a xeɗa a Roog, soo ta wodand a Abimelek fo o teem fo jeefeer um. Rew we a mbaag’ata o njeg xa ƥiy.

Mberaand 20:17 Referans Kwoze

Saak 5:16

Ten taxu, um layaa a nuun ee: Mbeejliryo pakaad nuun, too nqeɗanraa a Roog itam, ndax nu mbod. A qeƭ no kiin o cofu a jega doole lool.

Filip 4:6

Ba nu nqalam dara! No kuu refna, ndiisyo a Roog coxla nuun, nqeɗaa, nqeɗooxaa, too ngidman itam.

1 Tesalonik 5:25

Fog we, fat nu nqeɗanaa a in itam.

Mace 21:22

Kuu nu nqeɗna fo o ngim, xan nu ndaawin.»

Mace 7:7

«Nqeɗyo a Roog, too xan nu ci’el, mbaaƭyo too xan nu nga. Koŋ-koŋinyo, too xan nu mbetanel.

Esayi 45:11

O Yaal oxe refna o Tedu xe Isra’el, ten oxe sakna xeet um, kaa laamtaa ndiiki yee: «Ndax mi o mat nu mbugu o laamit no kaa farna na xa ƥees, soo cooxaam bargal no ke waruuma o fi?

Xa peƭit axe 15:8

O Yaal oxe kaa sib sadax ke no soxodu we, a qeƭ no jofu we mat a felin.

Esdaraas 6:10

ndax da ƥoxot a Roog fee na asamaan sadax kaa mbeluuna soo a nqeɗan o ñoow ole no maad oxe fo ole na xa taan um.

Mberaand 29:31

O Yaal oxe a ga’a yee Leya bug’aand lool, soo a fi’in o tew o tiirim, Rakel o mat a ref o tew o timar.

Mberaand 20:7

Ndiiki koy, jangi o tew oxe, ɓoxotin o kor um, yaam o koor oxeene o tuleer a refu, yaaga xan a xeɗanong, too xan o ñoow. Kaa koy, o ɓoxotangiran o teem, andi yee wo fo o jeg of fop xan nu saŋkoox.»

A pi ake 3:24

Duleer we fop, no kaa xotitna na Sami’el, oxuu refna na den a yegnit’a yee xan ñaal keene a mbadiid.

Xa peƭit axe 15:29

O Yaal oxe kaa goƭaa soxodu we, ndaa kaa nan-gilooxaa a qeƭ ake no jofu we.

A lim ale 12:13

Maaga, Moyiis a xeɗooxa o Yaal oxe yee: «Wo Roog, mexe xeɗang o wodandin!»

A lim ale 21:7

Wiin mayu na xeet fee a ñofa o ƈuf maa Moyiis, a layin ee: «I mbakaada, ye i nqasanna o Yaal oxe, nqasanong. Xeɗooxi boog o Yaal oxe, ndax ta riƈatan a in pangool kene.» Moyiis a refa no xeɗooxanaa xeet fee o Yaal oxe.

Ke bindeena no xe ne’eena YOB 42:8

Ndiiki koy, mbaaƭyo qoox ɓetuu ƭik fo a suk paal ɓetuu ƭik, nu ndet maa Yob fee o tag es, ƥoxotan a qoox nuun sadax toxel. Xan o tag es Yob a xeɗan a nuun too xam jaɓ a qeƭ um boo xawkiim a nuun a qaw gaci, ke nu layaneeraxama cagu fop oo, ta guutatir fo ke o tag es Yob a fi’na.»

Mberaand 12:17

O Yaal oxe a xawta a Firawon fee fo wiin mbind um xa ƭomel xa maak yaam Saarayi fee o tew Abram.