Mberaand 20:12 - NQAARIIT NE ROOG

¹² Kaa jolna keene sax, ndigil oo kañ o cigeen es oo, yaam o ƥiy faap es oo, ndaa i mbogee a yaay. Ten taxu ta refat o tees.

Mberaand 20:12 Referans Kwoze

Mberaand 11:29

Abram fa Nakoor a ngilga. O tew oxe Abram Saarayi a ne’’e, oxe Nakoor a ne’el Milka fee refna o ƥiy o ndew Haran fee rim’ina a Milka fa Yiska.

1 Tesalonik 5:22

paaxeer kuu ndefna nu ngoƭan.

Mberaand 12:13

Fat o lay ee o cigeen es refo, ndax um dalnel a paax, soo o tax um muc.»

Mberaand 20:2

Abraham kaa layoogu na Saara fee o teem ee o cigeen um oo. Maaga, Abimelek fee o maad Geraar a gifa a Saara.

Mberaand 20:11

Abraham a doonaan ee: «Kaa saf’aam ee jegee o leng oxaa saɗarna a Roog no saax leeke, too mexaa layaa yee o tees oo, da mbaraam a njangin.

Mberaand 20:13

Ye Roog a joqooynooraxam maa goƭna mbind faap es, kaam lay a Saara yee: ‹Keeke refu ke um xeɗang. Muu i ndetna fat o lay ee o camin of refum.› »

Mberaand 26:7

Ye wiin we no saax le a laamtan mayu kaa jofna no teem, a doona a den ee: ‹O cigeen es oo de!› Kaa saɗaroogu o lay a den ee o teem oo, ndik da mbarin, yaam Rebeka kaa mos’u lool.

2 Sami’el 13:13

Mam um jofkaa yaaga fa gaci es, soo wo o mat o ɗeetateel nen o ƭof kam Isra’el! Ndiiki daal, xeɗaam o maad oxe, too yaaga ñakkiraam o ci a wo.»