Mberaand 20:11 - NQAARIIT NE ROOG

¹¹ Abraham a doonaan ee: «Kaa saf’aam ee jegee o leng oxaa saɗarna a Roog no saax leeke, too mexaa layaa yee o tees oo, da mbaraam a njangin.

Mberaand 20:11 Referans Kwoze

Xa peƭit axe 16:6

O mbeq fo ngor kaa muuraa tooñ, o saɗar o Yaal oxe a taxaa o wootoox paaxeer.

Xa peƭit axe 2:5

Yaaga xan o andat o saɗar o Yaal oxe, aqatoox o and a Roog.

Nehemi 5:15

Gofornoor ke adooxaxama kaa ñaatlandoogu xeet fee, a seraa a den ñaamel fa biiñ, kaa jolna xa monjong qarɓeen nahik xaaliis fa nqoolu xe. Dag we den sax kaa toroxandoogu xeet fee. Mi o mat, fesooriim neene, yaam o saɗar a Roog.

Mberaand 26:7

Ye wiin we no saax le a laamtan mayu kaa jofna no teem, a doona a den ee: ‹O cigeen es oo de!› Kaa saɗaroogu o lay a den ee o teem oo, ndik da mbarin, yaam Rebeka kaa mos’u lool.

Mberaand 12:12

too yaa Miimisira we a nga’kang xan a lay ee: ‹O teem oo!› Maaga, xan a mbaraam soo a nqaƴong o ñoow.

Ke bindeena no xe ne’eena YOB 28:28

Cinj kaaga, a laya o kiin oxe yee: «O saɗar o Yaal oxe refu o and, goƭatir fo paaxeer a ref o jeg-yiif.»

Mberaand 42:18

No ñaal ndadkandeer naa, Yoseef a laya a den ee: «Mbi’yo kene, too xan nu ñoow, yaam saɗaraam a Roog!

Mberaand 22:12

Malaaka fee a layaan ee: «Ba o ɓay of a fad no goor ole, too ba o fi’in dara! Ndiiki koy andaam tigi yee saɗaraa a Roog, too xañiraamo o ƥeef o leng kut onqe jegoona.»

O leetar ole Pool a bindna GIMU WE NGENNA ROM 3:18

too saɗar a Roog jegee a seek a leng no ñoow den.»

Xa peƭit axe 8:13

O saɗar o Yaal oxe refu o fañ paaxeer. Ke sibuuma refu o nga’atinax fo a magnandax, a pi a paaxeer fo fa lay fa naanaxir.

Xa peƭit axe 1:7

O and no saɗar o Yaal oxe a eettaa. Fanxoy soom na xeefaa o jeg-yiif fo a cang.

A kim a tedu ke 14:4

Weene fop na mbi’aa cofaƭaru njegee o and o leng, den we na listaa xeet es ne mbuuru a listiteel too ƈufginooxkee o Yaal oxe muk.

Ke bindeena no xe ne’eena YOB 1:1

Kam saax laa Uus, a jeg’a o koor o ne’e Yob. O koor oxeene kaa woor’u too a jof. Kaa saɗar’u a Roog soo a wootooxaa paaxeer.

Mberaand 20:10

Abimelek a layahina a Abraham ee: «Xar fosoox’o boo a tax o fesoor neeke?»

Mberaand 20:12

Kaa jolna keene sax, ndigil oo kañ o cigeen es oo, yaam o ƥiy faap es oo, ndaa i mbogee a yaay. Ten taxu ta refat o tees.