Mberaand 20:1 - NQAARIIT NE ROOG

¹ Abraham a inoora no jegel olaa ta reeƭna ndax ta ret no ɓemb-roog o ñamaak. A dala ndeer Kades fa Suur. A reta Geraar, a refaa maaga o gataakoon.

Mberaand 20:1 Referans Kwoze

Mberaand 26:6

Maaga, Isaak a moofa no saax laa Geraar.

Mberaand 26:1

Na jamaane faaga, biim a yena no saax le, fogreerna fo biim laa jeg’ina na jamaane Abraham. Maaga, Isaak a reta Geraar maa Abimelek fee o maad no Fiifilista we.

A kim a tedu ke 29:8

O ñuxur ole no Yaal oxe kaa yo’naa a koƥ-a-ƥor ale, o Yaal oxe kaa yo’naa a koƥ-a-ƥor ale Kades.

Mberaand 18:1

O Yaal oxe a feeñooxa a Abraham no kariñ kaa Mamre, a soƥ ta moof paam ndokand ne no ƭiif um njoloor o mbuc. Neeke a feeñoorit’un.

1 Sami’el 15:7

Sawul a refa no xawtaa Aa-amalek we no jegel olaa Hawila boo na coonand alaa na koƥ-a-ƥor alaa Suur jasnoorna fa Misira.

A cangatin ale 32:51

yaam kaa nu ngore’aƭar na mi mbaambir xeet fee Isra’el ye fo poofi ke Meriba paam Kades kam a koƥ-a-ƥor alaa Sin. A koom, nuun tax’u boo o tedel ole na katil es waag’ee o feeñ na kid no Ii-isra’el we.

A cangatin ale 1:19

«Cinj kaaga, i inoor’a no joong olaa Horeb, nqaañ a koƥ-a-ƥor a muum a maak a saɗarnooxu le nu andna, nqot a ƭat ale no joong ole no Aa-amori we, ne o Yaal oxe Roog in a heblit’uuna a in. Ye i mbadiidna Kades-Barneya,

A lim ale 20:16

Kaa koy, i ƈufginooxa o Yaal oxe, too a nana xa buuq in. A luliida malaaka um, ta sut a in Misira. Ndiiki koy, in wey Kades, teeru fee refna no ŋat ole no saax of.

A lim ale 13:26

Yaa da mbadiidna, a ndalfooxa o ndet maa Moyiis fa Aaroon fa xeet fee Isra’el fop, ndeeƭna Kades kam a koƥ-a-ƥor alaa Paaraan. A mbetandooxa a den ke da nga’’ina fop soo a lal a den xa tim axe da ƥistiid’ina no saax laa.

Mberaand 26:26

Abimelek a inoora Geraar, a gar me ten, a yooniid fa xaariit um Ahusat fa Pikol fee o aa-adax no xiixire we ten.

Mberaand 26:20

Gaynaak we Geraar a nqasra fo we Isaak, yaam ee ‹In njegu foofi le›. A ne’a a ngas alaaga Esek, yaam ne da nqasir’ina fo ten.

Mberaand 24:62

Isaak koy a nomtoortiid’a na ngas alaa Laxay-Ro’i, soo a genaa no saax laa no ɓemb-roog o ñamaak.

Mberaand 13:1

Abram a nomtoortiida Misira, a sag no ɓemb-roog o ñamaak ole Kanaan, ten fo o teem fo ke ta jeg’ina fop. Lot a yoona fo ten.

Mberaand 10:19

O fiisel ole no Kaakanaan we oxaa xotta Sidoŋ, a sag Geraar boo a damik Gaasa, a puloox a jagin Sodoom, Gomoor, Adma fa Seboyiim boo a damik Lesa.

Mberaand 16:14

Ten taxu a ngas alaaga a ne’el Laxay-Ro’i, tekitna a ngas ale no xe na ñoowaa too a ga’aa. A ngas alaa oxe refa a ndeer Kades fa Bered.

Mberaand 16:7

Malaaka no Yaal oxe a soƥa a Agaar paam a cur foofi kam a koƥ-a-ƥor alaa, na cur alaa refna paam a ƭat alaa jofna Suur.

Mberaand 16:1

Saarayi fee o tew Abram jeg’ee o ƥiy o leng. A jeg’a koy o ceefeer o Miimisira o ne’e Agaar.

Mberaand 14:7

Cinj kaaga, a nomtooxiida, boo a mbadiid En-Mispat refna ref Kades, soo a nqawit maaga Aa-amalek we no fiisel ole den fop fo Aa-amori we ndalna Hasason-Tamaar.

Mberaand 12:9

Abram a dakooxa ref na ñaaƈ, a jagin no ɓemb-roog o ñamaak.

Mberaand 25:18

We mbaqaqoorna na Isma’el a ngena me xotitna Hawila boo no saax laa Suur jasnoorna fa Misira yaa o retaa Asuur. Isma’el a ñoowooga no njofooraƭar fo fog um.

A sutax ale 15:22

Cinj kaaga, Moyiis a hebla Ii-isra’el we da ndiƈatoox a Kal alaa no xeet le, a njagin farna fa koƥ-a-ƥor alaa ne’eena Suur. A ñaaƴa ñaal tadik kaa da nga’eerna foofi fo yerel.

Mberaand 21:34

Abraham a reeƭa o gataakoon boo miñu kam saax le no Fiifilista we.