Mberaand 2:8 - NQAARIIT NE ROOG

⁸ Cinj kaaga, o Yaal oxe Roog a jimba a ƭing kam Edeen, farna fo batand, soo a ɓek taaga o koor oxe ta muul’ina.

Mberaand 2:8 Referans Kwoze

Heseki’el 28:13

Kaa o reeƭu kam Edeen, a ƭing ale Roog. Kaa o muuroox’u fo a ƥil a cafeñu akuu ndefna: sarduwaan, topaas, jamaa, kirisolit, onik, yaspe, safiir, eskarbuukle, emerod fa wurus. A ñal ake wo fo a liit ake wo, wo a ndefan’u, a njagandan’el bes fee sakee’oona.

Mberaand 3:24

A cinj ye ta raxna o koor oxe, a sipa pindel yeeyetax no batand naa na ƭing alaa Edeen, da saq laƥ kaa na kaƥaa, a yetooxaa a ƭat ale jofna no ndaxar ne no ñoow ole.

Mberaand 13:10

Lot a ƴooklooxa, a ga joor fee no xuluɓ ole Yordaan a xuƥ sap. Yaaga o Yaal oxe yaqafulee a Sodoom fa Gomoor, a ret’a boo Sowaar a nand nen a ƭing no Yaal oxe, nen saax laa Misira.

Yowel 2:3

Fiɗel laa na raaɓaa adooxanun, soo aal laa na sooynaa a fodin a cinj. Saax le kaa ref mbaambir um nen a ƭing ale Edeen, soo a suurangaa, ta ref nen a koƥ-a-ƥor alaa naagna halit, too dara daɗee a den.

Esayi 51:3

O Yaal oxe xan a yaal a Siyoŋ, a yaal yaqatin ke ten fop. Xan a fi boo o mbiñ onqeene fesna a pec a nandat nen a Edeen, o tan oleene a nandat nen a ƭing ale no Yaal oxe. Baneex fo o ɗaay xan a ngen teen, a tagas fo fangax a kim a niwir a njibit teen.

2 Maad we 19:12

Ye daan es a yaqaa a Gosaan fa Xaraan fa Retsef fo Ee-edeen we ndeeƭna Telasaar, ndax roog ke no teeru keene a mucil’a a den?

Mberaand 4:16

Kayin a inoora mbaambir no Yaal oxe, soo a genik no lanq kaa Nood ngaritna no batand naa Edeen.

Heseki’el 31:16

Sendnoortaam qeet ke fangax le no njom ne ten, ye fudnanuuma jaaniif fo we na mbudooxaa no gamb le na saŋkax ale. Taxar ke Edeen fop a yaale kam xooɗ-ee-xooɗ le no lanq ke, taxar ke moƴna o mos fo ke moƴna o mbaax na Libaŋ, fop ke na yeraa no poofi ke.

Heseki’el 31:18

Ndi an waag’ee o nandandit no ndam fo o magnel a ndeer taxar ke Edeen? Xan o fudnandoorel fo taxar ke Edeen kam xooɗ-ee-xooɗ le no lanq ke. Xan o wondoox a ndeer a qucooxar ake fo we laƥ a ñaamna. Keene na dalkaa a Firawon fee fa xeet fa mayu um. Mi o Yaal oxe na refkaa boo faw layun.»

Heseki’el 27:23

Xaraan, Kane fa Edeen, jula we Saba fo we Asuur fo we Kilmad kaa njikroogu fa wo.

Mberaand 3:23

O Yaal oxe Roog a raxta a den na ƭing alaa Edeen, ndax da nqooxik lanq ke da ngatna.