Mberaand 2:24 - NQAARIIT NE ROOG

²⁴ Ten taxu o koor a xaƴaa a faap um fa ya um, a hiɓoor fo o teem, soo da ndefat njer leng kut

Mberaand 2:24 Referans Kwoze

O leetar ole Pool a bindna GIMU WE NGENNA ROM 7:2

Neene, o tew o tolooxu kaa hiɓoor fo o kor um na pexey kebil ke no ñoow o ñis no xeene fop, ndaa o kor oxe a maadatangee, o tew oxe a woktooxa boo qac no kebil ke ngiɓ’uuna fo o kor um.

Xa peƭit axe 31:10

Oxe jegna o tew o paax a ɗaaya, oxeene tew moƴu o jar xa peme.

Xa peƭit axe 12:4

O tew o paax kaa ref o ndip no kor um, oxe na gaci’nooran o mat a ref nen jir laa na ŋeesaa cer um.

A kim a tedu ke 45:10

Xa ƥiy xa tew axe no maad we a niwnooraang, lingeer fee geenooxna na ñamaak of a mosandoor wurus fee Ofiir.

1 Timote 5:14

Kaam bug boog ñaaw we maadna o ndefaa no ndeƥandoong den a ndolookatin, a njegik xa ƥiy, a topatooxaa pind den, too a mbañ o ci fañ in kaa da ŋañitna a in.

A cangatin ale 10:20

Fat nu saɗar o Yaal oxe Roog nuun, mbaɗooxan, ndamoox no ten soo ndaaɓooxaa no gon um.

A cangatin ale 4:4

Nuun we ndamooxna no Yaal oxe Roog nuun o mat, nuun fop nuun wey ñoowaa boo xaye.

A pi ake 11:23

Yaa ta fadiidna, boo a ga ne Roog a barke’itna gimu we, a felakinooxa. Maaga, a maƭooxa a den den fop, ndax da ndamoox no Yaal oxe fo xeeñ tigi.

Yosuwe 23:8

ndaa ndamooxyo no Yaal oxe Roog nuun doŋ, ne nu mbi’tuuna yaaga boo fa ndiik.

Mberaand 4:19

Lemek a gilga rew ɗik, o eetaand oxe Aada a ne’e, o ƭikandeer oxe a ne’el Sila.

Xa peƭit axe 2:17

damooxaƭarna no kor um oxe ta dolnirna no ndeƥandoong, a weec ngiɓoor um fa Roog.

1 Sami’el 25:43

Kaaga koy a soƥ’a Dawid a gilig a Ahinowam fee gen’ina Yisre’el. Naaga, Dawid a jeg’ata rew ɗik.