Mberaand 2:17 - NQAARIIT NE ROOG

¹⁷ bo ta yoqaa ndaxar ne na andnooraa paax fo paaxeer, yaam a mbanuu moɗoona xa tim axe ten, xan o xon.»

Mberaand 2:17 Referans Kwoze

O leetar ole Pool a bindna GIMU WE NGENNA ROM 6:23

Ke bakaad a rabdaa refu fa nqon, ndaa ci’it mbadu ne Roog refu o ñoow o fagkeer ole na Kiristaa Yeesu o Yaal in.

Saak 1:15

Paaxeer ke ta yuxmaa na ndimaa bakaad, bakaad a maakangaa, a rim fa nqon.

Mberaand 3:19

Boo yaa o nomtooxkaa no lanq ke hat’oona, ñiitoox foop no rak of na taxkaa o jeg ñaamel. No lanq ke hato, too teen o nomtooxkaa.»

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

Kolos 2:13

Nuun we tooñ nuun a mbarnoor’ina, a mbokatoor fo ñak ngiɓoor nquc ndiindigil ne war’ina a ndeer nuun fa Roog, Roog a ɓisiida a nuun fa Kiristaa no ñoow ole, ye ta letinna yirmande um, a hul tooñ in nuu refna.

1 Timote 5:6

O ñaaw oxe andoona koy ee kaa ñoowaa na baneex, kaa xon ɗoŋ, ke ta xuƥaa fop oo.

Galati 3:10

We na njeemaa o ndeef kebil ke, ndax da ƭeetel nen jofu mbaambir Roog, a salooxe, yaam a binde yee: «Oxuu reefeerna ke bindeena no safe le no kebil ke fop, a fañ o ñoowit ne ta jangnituuna, a salooxe.»

1 Korint 15:22

Na fa nqon, fop o jaf Aadama a ndeefu, fop a nar o ndeef o jaf Kiristaa, a nqontoox,

1Saŋ 5:16

Boo o kiin a ga’na o pog um a fi’aa bakaad faa naageerna o ɓisaa na fa nqon, fat a xeɗanin. Neene, xan a coox o pog um oxaaga o ñoow ole. O ñoow oleene, xan we mbi’na bakaad faa naageerna o ɓisaa na fa nqon a ndaawin. A jega itam bakaad faa na ɓisaa na fa nqon. Layiim a nuun nu nqeɗan bakaad feene.

1 Korint 15:56

O feen ole fa nqon a wartaa refu bakaad, sañ-sañ bakaad a ref no kebil ke.

O leetar ole Pool a bindna GIMU WE NGENNA ROM 1:32

A anda toox de hate fee Roog, ta ref ee we na mbi’aa tig nandu neene, a saŋkax a hela a den, den fop. Refee soom ee kaa da maadin o mbi’aa, ndaa kaa soobaa lakas we, da mbi’an itam.

Heseki’el 18:32

Bugiim o leng a xon. Mbesyo pakaad nuun a cinj boog, ndax nu ñoow. Mi o Yaal oxe na refkaa boo faw layun.»

Mberaand 3:17

A laya a Aadama yee: «Feek kaa o nan o ñuxur no teef, moɗ o rim ole no ndaxar ne xañit’oonga, lanq ke a salooxe yaam wo. No ñaal ke no ñoow o ñis of fop, ŋos-ŋos tigi na taxkaa o jeg ñaamel.

Mberaand 3:11

O Yaal oxe Roog a laamtaan ee: «An andnoorong ee o ƥor yoqo yee? Ndax kaa o moɗ o rim ole no ndaxar ne xañit’oonga?»

Efees 5:14

Yaam kuu feeñleena a qool qac, a qoolaand a refataa. Ten taxu ta layeel ee: «Yokooxi, woxe na ɗaanaa, inoox a ndeer no xon we, too xan Kiristaa fee a xoolandong.»

O leetar ole Pool a bindna GIMU WE NGENNA ROM 6:16

Kaa nu andee yee boo nu ƥoxotooxna no kiin, ndax nu nananan, o paɗ no xeene nu nananaa nu ndefatu. A soƥangaa koy ee faɗ bakaad nu ndefu, xan a ɓis a nuun na fa nqon, ta ref ee faɗ no nanan a Roog nu ndefu, xan a ɓis a nuun no cofel.

Heseki’el 33:8

Um layangaa o soxodu yee: ‹Wo o soxodu xe, xan o xon›, o maƭooxangee o soxodu xeene na pesoorooƭ um, xan a xon yaam tooñ um, ndaa xam laamtong fo’oy um.

Heseki’el 18:4

Xa laaw axe fop mi jegu a den, o laaw ole na faap fee nen ole no ƥiy onqe, mi jegu a den. O laaw o baabakaad ole rek na saŋkooxkaa.

Mbeeñil 20:14

Fa nqon fa jaaniif a njoore kam a mbeel fiɗel ale. A mbeel fiɗel aleene koy refu fa nqon fa ƭikandeer fee.

O leetar ole Pool a bindna GIMU WE NGENNA ROM 8:2

yaam kebil ke no Yiif le Roog na ci’aa we mbogna na Kiristaa Yeesu o ñoow, a mbokta a in na fa nqon fee bakaad a ɓisiidaa.

Mbeeñil 2:11

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, ñimkee fa nqon fa ƭikandeer faa.› »

Heseki’el 33:14

Um layangaa o soxodu xe yee xan a xon, a fesangaa pakaad um a cinj soo a reef a ƭat fo o cofel, xonkee.

A cangatin ale 30:19

Xaye mexe xotaa asamaan fo lanq, da ndef seede ndeer es fa nuun ee doonaam mbaambir nuun o ñoow ole fo fa nqon fee, barke fo a salax. Njilyo o ñoow ole, ndax nu ñoow, nuun fo xa taan nuun.

A cangatin ale 30:15

«Nga’yo, mexe doonaa mbaambir nuun xaye o ñoow ole fo fa nqon fee, paax fo paaxeer.

Heseki’el 18:13

a rawnitaa took o yaakaar teen tig, a hupal no rimand o lad um, ndax xan a ñoow? Ha’aa, ñoowkee! A fi’a cednooxu keene fop, too a woora yee xan a xon, a gadoox fo’oy um.

1 Maad we 2:42

O maad oxe a lulta a Simey, a layin ee: «Ndax daaɓooxnoor’iroong no Yaal oxe yee: ‹A koom aluu sutooxoona teeru fee, ret muu ta waagna waag o ref, xan o xon,› soo o doonaam ee: ‹A faaxa. Nanaaxoong.›

1 Sami’el 14:39

Ne ta wooritna yee o Yaal oxe refna o Muumucil Isra’el oxe ñoowaa, neene a woortu yee oxe tooñna, xan a warel, a refangaa Yoonatan fee o ƥees sax!» Naa xiixire waa mbodeena fop, o leng dooniran.

A cangatin ale 27:26

‹Oxuu reefeerna kebil keene fop, a fañ o ñoowit ne da njangnituuna, a halakooxa!› Fat xeet fee fop a ndoon ee: ‹Amiini!› »

A lim ale 26:65

yaam o Yaal oxe kaa lay’u yee: «Xan a nqon kam a koƥ-a-ƥor ale.» O leng na den koy yoq’ee, a refangeerna Kaleb fee o ƥiy Yefune fa Yosuwe fee o ƥiy Nun.

Mberaand 20:7

Ndiiki koy, jangi o tew oxe, ɓoxotin o kor um, yaam o koor oxeene o tuleer a refu, yaaga xan a xeɗanong, too xan o ñoow. Kaa koy, o ɓoxotangiran o teem, andi yee wo fo o jeg of fop xan nu saŋkoox.»

Mberaand 2:9

O Yaal oxe Roog a saxna maaga xa qos taxar fop, da njeg a safaan, a mbel o ñaamel, ndaxar ne no ñoow ole fo ndaxar ne na andnooraa paax fo paaxeer a ndef a ndeer ale.

Mbeeñil 20:6

We na njegkaa a las na qontax a eetaand ale a ƭaaya, too xan a mbarke’el. Fa nqon fa ƭikandeer fee waagkee na den tus, too xan a ndef waa na ƥoxotanaa a Roog fa Kiristaa sadax, a maadoox fa Kiristaa boo xa kiid juni.

Yeremi 26:8

Yaa Yeremi a layna boo a ƴut fop ke o Yaal oxe a hebil’uuna, ndax ta layin xeet fee fop, saasadax we, duleer we fo faan le ndeeƭna maaga fop a ndamaan, a layin ee: «Fa nqon jagto!

1 Sami’el 22:16

O maad oxe a laya a Ahimelek ee: «Wo fo ƥasil of fop xan nu mbarel.»

1 Sami’el 20:31

Nan-gilooxaam a paax. Nuu o ñoow no ƥeenqe Isay a miñtaa, neene o ñoow of a reftaa no xoƥ nquƭ, ne’katiim maat of. Ndiiki koy, lultanaam o ten ta gar, ndax ta warel.»

1 Sami’el 14:44

Sawul a laya yee: «Yaasam Roog a halakaam, yaa xoneeroona, wo Yoonatan!»

1 Maad we 2:37

Fat o and koy ee a koom aluu sutooxoona teeru fee, xaañ a yulanq ale Kederon, xan o xon ɗong, too wo na gadooxkaa fo’oy of.»

Haahate we 3:2

yaam a bug soom suk ke no Ii-isra’el we a and soo a aqatoox xire, tan-tan boog we and’eeruuna yaaga: