Mberaand 2:15 - NQAARIIT NE ROOG

¹⁵ O Yaal oxe Roog a janga o koor oxe, a ɓekin kam a ƭing alaa Edeen, ndax ta xooxan, a yetan.

Mberaand 2:15 Referans Kwoze

A kim a tedu ke 128:2

Xan o muudoor jale na xa ƥay of, ɗaay, yaam ne fop of a ñaaƴkaa.

Mberaand 2:8

Cinj kaaga, o Yaal oxe Roog a jimba a ƭing kam Edeen, farna fo batand, soo a ɓek taaga o koor oxe ta muul’ina.

Efees 4:28

Fat oxe guuɗoogna a fañat o guuɗ. Fat a jalik, ndax ta jegan a xoox um o ñoow um no tig lewetu. Neene, xan a jeg kaa ta dimle’taa we neewna doole.

Mberaand 2:2

Roog a paanga calel um soo a ñootnoox no ñaal ɓetuu ƭikandeer ne.

Ke bindeena no xe ne’eena YOB 31:33

Ndax naagaam o ɗasnaa pakaad es nen lakas we, tooñ es, um migin a den kam es?

Mberaand 2:14

A kal a tadkandeer ale ne’e Tigere, ten sagu no batand naa Asuur. A kal a nahkandeer ale koy refu Ofrat.

Mberaand 2:16

O Yaal oxe Roog a hebla o koor oxe yee: «Waagaa o moɗ xa tim axe no taxar ke na ƭing ale fop,