Mberaand 19:36 - NQAARIIT NE ROOG

³⁶ Xa ƥiy xa tew xa ƭaq axe Lot a mbuda, a nqottin na faap den.

Mberaand 19:36 Referans Kwoze

Habakuk 2:15

Sabab took no xe na yernooraa o kend um biiñ fee no ndog onqe no fuux le ten, ndax ta waynoorin boo a waag o xeefnoorin yaam ta yoq o ƥor!

Mace 7:2

Ne nu ngate’taa wiin we, Roog a hate’itkaa a nuun, too xan nu eedantel eedir ke nu eedtaa.

1 Sami’el 15:33

Sami’el a layaan ee: «Ne laƥ of a sambranditna rew fo xa ƥiy den, neene ya of a sambranditkeel itam fo o ƥeem.» A ɗega a Agag teɓ-reɓ mbaambir no Yaal oxe kam Gilgal.

Haahate we 1:7

Maaga, Adoni-Beseq a laya yee: «Maad qarɓeen ɓetuu ɗik waa qol maak ke na xa ƥay axe fo ke na caf ake den a ƭegeena kaa ngisoogu ke samtoogna no roon es. Roog kaa rabdaxam deŋ ke fi’uuma!» A ƥisaan Yeerusaleem, too maaga a xontu.

Mberaand 19:8

Nu nga’a, jegaam xa ƥiy xa tew xa ƭaq axaa andafuleerna adna. Waagaam o sutaniid a nuun a den, nu mbi a den kuu felna a nuun. Kaa rek, goor wene andoona yee genar es a ndefu, ba nu mbi a den dara.»

Mberaand 19:35

No yeng olaaga, a yernahina a faap den biiñ, soo o ndeɓ onqe a ret ndax ta wondook fo ten. Faap fee yeg’ee ye oxeene a wondooxiidna fo ten ne’atiim ye ta inooxaa.

Mberaand 19:37

Taaw fee a ñoota o ƥiy o ngoor, soo a ne’in Mowaab. Mowaab faaga refu o taan no Moomowaab we na maadaa boo xaye.

A cangatin ale 2:9

O Yaal oxe a lay’axam ee: ‹Ba nu song Moomowaab we, too ba nu nqire fa den. Ci’kiim a nuun dara no saax le den, yaam den we xa taan Lot o mat las’um a Aar, da njegin.› »