Mberaand 19:28 - NQAARIIT NE ROOG

²⁸ A deɓa a kid um farna fa Sodoom fa Gomoor fo no jegel ole na xa saawit axe fop, soo a ga fo suun olaa nandna nen fo suun ndoxan a yoɗoortaa no lanq ke.

Mberaand 19:28 Referans Kwoze

Mbeeñil 18:9

Maad we na adna fee seeqna fo ten, a neqit no ten, xan a naang ciic a lool, a ƭomatoox yaam saax leene, yaa da nga’kaa fo suun ole no dox ole ten.

Mbeeñil 9:2

Maaga, o xoor ole a weta a ngas fiɗel alaa, too fo suun olaa nandna nen fo suun ndoxand a sutoorta teen boo a niifaarin njeeƈ ne fo nqeñ ne.

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

Mbeeñil 18:18

Kaa mbuuqoogu ye da nga’na fo suun ole no dox ole ten ee: «E koon, teeru faa nandna nen a teeru fa maak feeke mosee o jeg muk!»

Yudaa 1:7

Mbetandooxyo itam a Sodoom fa Gomoor fo teeru lakas ke mbidna a den, andoona yee kaa ndeɓoox’u no caasaay, a seeqaa nen malaaka keene. A qaw ale no fiɗel le na refkaa boo faw a dala took den. Neene a ndefata a lalgand ale cooxeena wiin we fop.

Mbeeñil 19:3

A ndakooxahina o nqaan ee: «Haleluyaa!» Fo suun ole no dox ole na teeru fa maak feene oxe yoɗooxaa bo na moos boo moos.

2 Piyeer 2:7

Na jamaane faaga, a mucla a Lot fee reeƭna o koor o cofu, naqadiloox’ina no xeeñ um yaam caasaay ne wiin weene a saq’ina na pesoorooƭ a paaxeer ale den.

A kim a tedu ke 107:34

lanq qaaɗu ke, ta supit a den o tan yaam kañaan no we ngen’ina teen.

A sutax ale 19:18

O joong olaa Sinayi kaa suunoogu naa ta fodeena fop, yaam o Yaal oxe kaa fudoox’u taaga kam fiɗel. Fo suun olaaga kaa yoɗoortoogu nen fo suun ndoxand, too o joong olaa fop kaa sendoogu fa doole.

Malaki 3:2

Ndi an na hatilkaa bes feene ta garkaa? Kaam ee an na geenooxkaa naŋ, yaa ta feeñna?, yaam kaa nand fo fiɗel no paal o qaaxaw soo a ran-gandaa taw nen xeme.