Mberaand 19:25 - NQAARIIT NE ROOG

²⁵ A ɓisiida o njakad onqe took teeru keene, no saawit olaa fop, took no we ngenna no teeru keene fop fo took duufe le no lanq kaaga.

Mberaand 19:25 Referans Kwoze

A kim a tedu ke 107:34

lanq qaaɗu ke, ta supit a den o tan yaam kañaan no we ngen’ina teen.

Mberaand 14:3

Weene a mbokat’a a yaj den na yulanq alaa Sidiim, maa o maag o Xanju laa a jangatna ndiiki.

Mberaand 13:10

Lot a ƴooklooxa, a ga joor fee no xuluɓ ole Yordaan a xuƥ sap. Yaaga o Yaal oxe yaqafulee a Sodoom fa Gomoor, a ret’a boo Sowaar a nand nen a ƭing no Yaal oxe, nen saax laa Misira.

2 Piyeer 2:6

Roog a hate’a teeru ke Sodoom fa Gomoor, soo a tasit a den fiɗel. Neene, a cooxa we ndeefeeruuna a lalgand ee neene a refitkaa na den itam.

Mberaand 13:12

Abram a gena kam saax le Kanaan, soo Lot a gen kam teeru ke na joor fee, a sip ƭiif ke ten farna fa Sodoom.

A cangatin ale 29:23

Maaga, xan qeet ke fop a lay ee: ‹Xar taxu o Yaal oxe a fi neeke saax lene? Xar gartu fuux maak ɗomu lene?›

Esayi 13:19

Babilon, mosandoor ke no maat ke, kumooxel qaaƴoor ke no Kaakalde we xan a nand nen a Sodoom fa Gomoor Roog a gef’ina tuƈ.

Yeremi 20:16

Yaasam o koor oxeene a nand fo teeru ke o Yaal oxe a jaxasna too jegee teen o ndicax. Yaasam ta nan xa poygax no nqes ne fo xa buuq xire njoloor o mbuc.

Yeremi 49:18

Nen a Sodoom fa Gomoor fo teeru ke mbidna a den ngef’eena tuƈ, o leng genkatee teen, o mbindeef o leng dalkatee teen. Mi o Yaal oxe layun.

Yeremi 50:40

Ne ta refit’ina na Sodoom fa Gomoor fo teeru ke mbid’ina a den, Roog a gef’ina tuƈ, o leng genkatee kam Babilon. O mbindeef o leng dalkatee teen. O Yaal oxe layun.

A ƭomatax ake 4:6

Tooñ ne na xeet es moƴu magin ne Sodoom, gef’eena ndeer ñaf fo ƭeet, too o ɓay no leng niinee teen.

Heseki’el 16:50

Kaa mbelnooxat, a mbi’aa cednooxu mbaambir es. Moocandaam a den ye ga’uuma keene.

Amos 4:11

Gal’andaam a nuun nen a Sodoom fa Gomoor we gef’uuma tuƈ, nu mucit nen o rukit o suudte na fiɗel, ndaa dara teen taxee nu naang cook nomtooxiid me mi. Mi o Yaal oxe layun.

Yeremi 23:14

Ke ga’uuma no duleer we Yeerusaleem koy moƴu o sednoox. Kaa seeqaa, a ngen na xa maaƥ, a saƭakinaa we na mbi’aa paaxeer, ndax o leng feskee kañaan um a cinj. Den fop kaa nandaam nen wiin we Sodoom, we ngenna Yeerusaleem a nandaam nen we Gomoor.»

Sofoni 2:9

Ten taxu mi o Yaal oxe Hupna fop, ref Roog fee Isra’el kaam ee: Ne ta wooritna yee mexe ñoowaa, neene a woortu yee xan Mowaab a nand fa Sodoom, soo saax le no Aa-amon we a nand fa Gomoor, a ndefat o mbiñ onqaa saxna o ndoxom, o tan fo jem, o mbiñ o mbootu boo kili. We na muckaa na xeet es xan a njangal a den, yoqatin we na xeet es a njegat saax den.»