Mberaand 19:24 - NQAARIIT NE ROOG

²⁴ Maaga, o Yaal oxe a deɓiida took Sodoom fa Gomoor a teƥ nqeen kaa fiɗel a saasinna, ta hatiid na asamaan.

Mberaand 19:24 Referans Kwoze

A cangatin ale 29:23

Maaga, xan qeet ke fop a lay ee: ‹Xar taxu o Yaal oxe a fi neeke saax lene? Xar gartu fuux maak ɗomu lene?›

Esayi 13:19

Babilon, mosandoor ke no maat ke, kumooxel qaaƴoor ke no Kaakalde we xan a nand nen a Sodoom fa Gomoor Roog a gef’ina tuƈ.

Yudaa 1:7

Mbetandooxyo itam a Sodoom fa Gomoor fo teeru lakas ke mbidna a den, andoona yee kaa ndeɓoox’u no caasaay, a seeqaa nen malaaka keene. A qaw ale no fiɗel le na refkaa boo faw a dala took den. Neene a ndefata a lalgand ale cooxeena wiin we fop.

2 Piyeer 2:6

Roog a hate’a teeru ke Sodoom fa Gomoor, soo a tasit a den fiɗel. Neene, a cooxa we ndeefeeruuna a lalgand ee neene a refitkaa na den itam.

Amos 4:11

Gal’andaam a nuun nen a Sodoom fa Gomoor we gef’uuma tuƈ, nu mucit nen o rukit o suudte na fiɗel, ndaa dara teen taxee nu naang cook nomtooxiid me mi. Mi o Yaal oxe layun.

Yeremi 50:40

Ne ta refit’ina na Sodoom fa Gomoor fo teeru ke mbid’ina a den, Roog a gef’ina tuƈ, o leng genkatee kam Babilon. O mbindeef o leng dalkatee teen. O Yaal oxe layun.

Sofoni 2:9

Ten taxu mi o Yaal oxe Hupna fop, ref Roog fee Isra’el kaam ee: Ne ta wooritna yee mexe ñoowaa, neene a woortu yee xan Mowaab a nand fa Sodoom, soo saax le no Aa-amon we a nand fa Gomoor, a ndefat o mbiñ onqaa saxna o ndoxom, o tan fo jem, o mbiñ o mbootu boo kili. We na muckaa na xeet es xan a njangal a den, yoqatin we na xeet es a njegat saax den.»

A ƭomatax ake 4:6

Tooñ ne na xeet es moƴu magin ne Sodoom, gef’eena ndeer ñaf fo ƭeet, too o ɓay no leng niinee teen.

Yeremi 20:16

Yaasam o koor oxeene a nand fo teeru ke o Yaal oxe a jaxasna too jegee teen o ndicax. Yaasam ta nan xa poygax no nqes ne fo xa buuq xire njoloor o mbuc.

Ke bindeena no xe ne’eena YOB 18:15

Ƭiif ne ten ta refateerna, a waage gen, suufur a yipel no ngenand um.

Hoose 11:8

«Wo Efrayim, nam waagoong o xaƴit? Kaam ee wo Isra’el, ndax xam ɓoxotong moos? Nam waagoong o doonit ke doonuuma a Adma, fi’ong ke fi’uuma a Seboyiim? Kam es neegiran, um may muut fa yirmande.

Yeremi 49:18

Nen a Sodoom fa Gomoor fo teeru ke mbidna a den ngef’eena tuƈ, o leng genkatee teen, o mbindeef o leng dalkatee teen. Mi o Yaal oxe layun.

Esayi 1:9

Boo o Yaal oxe Hupna fop a wuusan’eerna a in yoqatin, nen a Sodoom i ndefkoogu, nand fa Gomoor.

A kim a tedu ke 11:6

Kaa deɓaa took no soxodu we a kaagaañ a sumu jip fo nqeen. Mbooyo ƭomu refu a tokol ale da mbarna o ngumir,

YEGIL MBAAX NE YEESU ne Lik a bindtuuna 10:12

Mexe layaa a nuun ee: Na bes faa na hate faa Roog, teeru faa Sodoom na moƴkaa o yooɓiɗ hate teeru faaga.»

Mbeeñil 14:10

oxaaga kiin xan a yer na biiñ fee no fuux le Roog. Biiñ feene koy julaand tus, too Roog kaa yipan no feeƭ ole saqna fuux le ten. We na mbesooraa neene koy, xan a toroxandel kam fiɗel laa fo nqeen kaa mbaambir malaaka tedu ke fo mbaambir no Mbaal onqe.

Mberaand 13:10

Lot a ƴooklooxa, a ga joor fee no xuluɓ ole Yordaan a xuƥ sap. Yaaga o Yaal oxe yaqafulee a Sodoom fa Gomoor, a ret’a boo Sowaar a nand nen a ƭing no Yaal oxe, nen saax laa Misira.

Mberaand 13:12

Abram a gena kam saax le Kanaan, soo Lot a gen kam teeru ke na joor fee, a sip ƭiif ke ten farna fa Sodoom.

Mberaand 18:17

Maaga, o Yaal oxe a laya yee: «Ndax kaam ɗasinkaa a Abraham ke um fi’kaa?

Mberaand 19:23

Ye njeeƈ ne a wataa, yaaga Lot a rokaa kam Sowaar.

A sutax ale 9:23

Maaga, Moyiis a letna o loq ole ten farna fa asamaan fee, o Yaal oxe a fi ƭuuɗ fo xa kiiñaand, a deɓiid a kalam a ƥuuɓu. Neene mat o Yaal oxe a deɓtu a kalam a ƥuuɓu kam saax le Misira.

Ke bindeena no xe ne’eena YOB 1:16

Ye ta maadna o layaa, o lakas a fadiida, a lay ee: «Ƭuuɗ kaa yentiid na asamaan, a dal took ged laa fo took gaynaak we wo, a raaɓ a den. Mi doŋ mucu soo gar ndax um yegnong o ten.»

Esayi 30:33

Tofet a jagande yaaga. O maad oxe a jagandane itam. Kaa yaaj soo a xooɗ, soo xa saangaan ee gañ teen fo xa cuuƭ xa pagkatar. O Yaal oxe xan a damnitin haaƭ um nen a ƈufnand fiɗel.

A cangatin ale 28:24

O Yaal oxe deɓaniidkee a nuun lakas, a refangee fo ut fo lanq, da yenaa took nuun boo yaa nu saŋkooxna.

A cangatin ale 29:22

a nga suufur fo fo jem ole fo fiɗel le raaɓna saax le fop. Dara waagaand o duuf teen, o saxin teen tig ne’aand, daaƭ leng sax waagaand o ga teen. Xan a muukoor nen a Sodoom fa Gomoor fa Adma fa Seboyiim ndefna teeru ke o Yaal oxe a gef’ina tuƈ kam fuux um fo ngañak um.

Yeremi 23:14

Ke ga’uuma no duleer we Yeerusaleem koy moƴu o sednoox. Kaa seeqaa, a ngen na xa maaƥ, a saƭakinaa we na mbi’aa paaxeer, ndax o leng feskee kañaan um a cinj. Den fop kaa nandaam nen wiin we Sodoom, we ngenna Yeerusaleem a nandaam nen we Gomoor.»