Mberaand 19:21 - NQAARIIT NE ROOG

²¹ Maaga, a doonaan ee: «Yaaga boog, xam ci’ahinong keene, too taamaala fee pirkee teeru fee o ne’aa.

Mberaand 19:21 Referans Kwoze

A kim a tedu ke 145:19

Kaa jaɓaa a qeƭ no we saɗaruuna, a nanaa a ƈufginax den soo a mucil a den.

A kim a tedu ke 102:17

yaam o Yaal oxe xan a maxatin a Siyoŋ, soo a feeñoox no ndam um.

A kim a tedu ke 34:15

Fat o goƭatir fo paaxeer soo fi’aa paax, waaƭ jam soo reefanin.

Hebre 2:17

Ten taxu a wara o nandat fo xa teɓ um, ndax ta ref o saasadax o maak den o kore’u, a may fo o paaxel no calel um paam Roog. Kaa fi’in, ndax ta ñuf a qaw ale na xeet fee yaam pakaad den.

YEGIL MBAAX NE YEESU ne Lik a bindtuuna 11:8

Mexe layaa a nuun ee: A inooxangee a cooxin a den sax oo yaam ne oxeene a refna xaariit um, xan a inoox yaam ndik ta wennoor a xoox um, too xan a cooxin fop ke ta soxla’na.

Mace 12:20

Patkee o siind ole ɓolooxna, too ñufkee o jam ole na ƥoñaa boo yaa ta dalinkaa o cofel ole Roog.

Mberaand 18:24

Xeƈa a waaga o jeg jofu qarɓeen ƥetik kam teeru faa. Ndax xan o saŋik a den itam, fañ o waasan teeru fee yaam jofu qarɓeen ƥetik we ndefna maaga?

Mberaand 12:2

Xam sutit na wo xeet fa maak, too xam barke’ong. Xam fi’ong o yaal gon maak, too a cur barke tigi o refkaa.

Mberaand 4:7

O fosooxangaa paax, a tagid of a let, ndaa o fosooxangaa paaxeer koy, bakaad fee xey no don-maax of a ɓeedang, kaa rek, ba o ci’in o gom!»

Yeremi 14:10

Keeke o Yaal oxe a layu no kaa jofna na xeet feene: «Ii, a coqooyax felu a den, da ƥodax o jaf. Kaa koy, yooniim no keene, mi o Yaal oxe. Wetandooxaam ndiiki tooñ den, too kaam xawaa pakaad den.»

Mberaand 19:20

Ga’i teeru fene a mata lool, ndax um jaɓnook maaga, too jaakee dara. Ey, um waag’angaa o ƴuf boo daɗik maaga.»

Mberaand 19:22

Kaa koy, ñofi jaɓnook maaga, yaam fi’kiim dara a refangee kaa o fad.» Ten taxu teeru faaga a ne’el Sowaar.

1 Sami’el 25:35

Dawid a janga ke Abigayil a ɓisiid’uuna soo a layin ee: «Nomtooxi xaad na jam. Ga’aa yee nanaam a qeƭ of too jaɓaanum.»

A sutax ale 33:17

Maaga, o Yaal oxe a laya a Moyiis ee: «Xam fi ke o xeɗaxam, yaam ci’aaxoong yirmande es too andaaxoong tigi.»