Mberaand 19:20 - NQAARIIT NE ROOG

²⁰ Ga’i teeru fene a mata lool, ndax um jaɓnook maaga, too jaakee dara. Ey, um waag’angaa o ƴuf boo daɗik maaga.»

Mberaand 19:20 Referans Kwoze

A kim a tedu ke 119:175

Fat o laaw es a ñoowaa, a simatang, soo ke simtoona a dimle’aam.

Amos 3:6

Ndax jiin a waaga o jeg no saax, too tig xewee? Ndax sabab a waaga o xew na teeru, too o Yaal oxe yoonee teen?

Esayi 55:3

Ndungyo nof nuun too ngar me mi. Nan-gilooxyo, too xan xa laaw nuun a ñoow. Xam dalin fa nuun ngiɓoor naa na refkaa boo faw, ci a nuun yirmande es, ne regtit’anuuma a Dawid.

Mberaand 19:30

Lot fo xa ƥiy xa tew axe ten a inoora Sowaar, soo a ngenik na xa coong axaa, yaam kaa saɗaroogu o yoq Sowaar. Lot a genka kam luf, ten fo xa ƥeem.

Mberaand 12:13

Fat o lay ee o cigeen es refo, ndax um dalnel a paax, soo o tax um muc.»

Mberaand 19:19

Feek mi fee o tag of daawaam yirmande of, o lalaam o paaxel of boo mucil o ñis es, waagiim o ƴuf boo daawik xa coong axaa too taamaala fee daawiraam, too yaaga xam xon.

Mberaand 19:21

Maaga, a doonaan ee: «Yaaga boog, xam ci’ahinong keene, too taamaala fee pirkee teeru fee o ne’aa.

Yeremi 38:20

Yeremi a doonaan ee: «Ɓoxotkaandee. Nan-gilooxi o ñuxur no Yaal oxe ne laytoonga o ten, yaaga xan a malong, too xan o mucil o ñis of.