Mberaand 19:19 - NQAARIIT NE ROOG

¹⁹ Feek mi fee o tag of daawaam yirmande of, o lalaam o paaxel of boo mucil o ñis es, waagiim o ƴuf boo daawik xa coong axaa too taamaala fee daawiraam, too yaaga xam xon.

Mberaand 19:19 Referans Kwoze

1 Maad we 9:9

Xan a ndoonel ee: ‹Ke taxuuna refu yee Ii-isra’el we kaa mbaas o Yaal oxe Roog den, sutitna daan den no saax laa Misira, soo a ndamoox no roog lakas, a ngungaa mbaambir den, a mbaɗooxaa a den. Ten taxu o Yaal oxe a ɓisiid took den taamaala feene fop.› »

1 Sami’el 27:1

Dawid a laya taa no yiif um ee: «Na bes fa leng xan Sawul a mosaam o war. Jegiim pexey lakas, a refangee um ƴuf, jaɓnook no saax laa no Fiifilista waa. Neene, Sawul daabkatiraam kam o fiisel ole Isra’el fop, too xam waag o daɗ.»

A cangatin ale 31:17

A koom, xan fuux es a biltooxan a den, um waas a den soo ɗasin a den mukit es. Xan a ndefik muud no qeet lakas ke, coono fo naqad a sagoox a den. Maaga, xan da lay ee: ‹Ndax ne Roog in a refateerna a ndeer in taxu coono kene fop a ndalaa a in?›

Mberaand 12:13

Fat o lay ee o cigeen es refo, ndax um dalnel a paax, soo o tax um muc.»

O leetar ole Pool a bindna GIMU WE NGENNA ROM 8:31

Xar i ƥaatkaa o lay no keene koy? Roog a refanangaa a in, an na waagankaa a in tig?

Mark 9:19

Yeesu a laya a den ee: «Xeet fa ngimaƭaru! Kaam refkaa fa nuun boo a mban? Kaam ee kaam gadooxkaa a nuun boo a mban? Ƥisiidaamoo o ten!»

YEGIL MBAAX NE YEESU ne Lik a bindtuuna 1:58

Gentand we fo fog we a yega yee o Yaal oxe a yirmaan, too a mbelakinooxa fo ten.

Mberaand 6:8

Kaa koy, Nowe a daawa yirmande fee no Yaal oxe.

Mberaand 19:18

Lot a laya a den ee: «Koo o Yaal oxe, a hupa jeg!

Mberaand 19:20

Ga’i teeru fene a mata lool, ndax um jaɓnook maaga, too jaakee dara. Ey, um waag’angaa o ƴuf boo daɗik maaga.»

Mberaand 19:30

Lot fo xa ƥiy xa tew axe ten a inoora Sowaar, soo a ngenik na xa coong axaa, yaam kaa saɗaroogu o yoq Sowaar. Lot a genka kam luf, ten fo xa ƥeem.

Mberaand 39:4

Neene, Yoseef a daaw’a yirmande no yaal mbind um fi’uuna ta jalanan, a dalnin no mbind um, a doxnin o jeg um fop.