Mberaand 19:16 - NQAARIIT NE ROOG

¹⁶ Ne ta niidandooxoogna, goor ɗik waaga a ndamaan no ɓay, a ndeƈndeƈnin, ten fo o teem fo xa ƥiy xa tew xa ƭaq axe ten, a sut a den teeru faa, yaam o Yaal oxe kaa yirim’un.

Mberaand 19:16 Referans Kwoze

2 Piyeer 2:9

O Yaal oxe a anda ne ta warna o muclit no ƭeetlax ke wiin we na ndeefan, soo wiin jofaƭaru we, ta geek a den, ndax da nqawel na bes faa na hate faa.

Tiit 3:5

a mucla a in, refee koy ee yaam i mbi a pi a cofu kaa njaruuna, ndaa kaa mucil a in na yirmande um na pexey a ƥogax ale no rimel o xas ole fo Yiif Tedu le, a fi’in ndax i njeg o ñoowooƭ o xas.

2 Korint 1:3

Roog fee Faap no Yaal in Yeesu Kiristaa a hela o simatel, ten fee refna Faap fee na yirmaa, a ref Roog fee na yaalaa no kuu refna.

YEGIL MBAAX NE YEESU ne Saŋ a bindtuuna 6:44

O leng waagee o gar me mi yaa Faap fee luliidaxama a qiciideeruuna me mi, too yaaga xam xontooxnoorin na bes fa mbalakaand faa.

YEGIL MBAAX NE YEESU ne Lik a bindtuuna 18:13

O taarabdinax juuti xe a foda a cinj, bug’ee sax o daxaaƴoox na asamaan. Kaa riqooxoogu no ngang, too a layaa yee: ‹Roog, yirmaam mi fee refna o paabakaad!›

A ƭomatax ake 3:22

O paaxel no Yaal oxe kaa maadaa boo ndiik, too yirmande um fagee.

Esayi 63:9

Kam naqad den fop, refee oxaa luleena mbaat malaaka, ndaa mukit um sax sax muclu a den. Ten fa xoox um a wata a den no mbeq um fo na yirmande um. A meeɓa a den soo a gadoox a den no ñaal ke yaaga fop.

A kim a tedu ke 136:1

Ngidimyo o Yaal oxe, yaam kaa faax, too o mbeq um xan a maadaa boo faw.

A kim a tedu ke 119:60

Fodandooxiim, kaam ñofandooxaa, ndax um gay kebil of.

A kim a tedu ke 118:1

Ngidimyo o Yaal oxe, yaam a faaxa, too o mbeq um xan a maadaa boo faw.

A kim a tedu ke 111:4

A buga com’andtu ke ten a mbetandooxeel. O Yaal oxe kaa jeg yirmande, a yaaj kam.

A kim a tedu ke 107:1

Ngidimyo o Yaal oxe, yaam a faaxa, too o mbeq um xan a maadaa boo faw.

A kim a tedu ke 106:8

ndaa a mucla a den yaam oxe ta refna, ndax ta lalit katil um.

A kim a tedu ke 106:1

Haleluyaa! Ngidimyo o Yaal oxe, yaam a faaxa, too o mbeq um xan a maadaa boo faw.

A kim a tedu ke 103:13

Ne faap a jegitna yirmande na xa ƥeem, neene o Yaal oxe a jegtu yirmande no we saɗaruuna,

A kim a tedu ke 86:15

Wo o Yaal oxe o mat, Roog fa mayu yirmande refo, yaaj kam, muñantaa, may fo o mbeq fo ngor.

A kim a tedu ke 86:5

Wo o Yaal oxe, kaa o faax soo yaaj kam, may fo o mbeq no fop we na ƈufginooxang.

A kim a tedu ke 34:12

Xa ƥees, ngaryo nan-gilooxaam! Xam aqat a nuun nu saɗar o Yaal oxe.

1 Caloori ke 16:34

Ngidimyo o Yaal oxe, yaam a faaxa, too o mbeq um xan a maadaa boo faw.

A cangatin ale 4:31

O Yaal oxe Roog nuun koy kaa may yirmande too xaƴkee a nuun, moocandkee a nuun, weecitkee ngiɓoor ne ta dalnitna a taaƥ fo daan nuun.»

A lim ale 14:18

‹Mi refu o Yaal oxe na muñantaa soo may fo o paaxel. Kaam waasantaa njofaƭar fo tooñ, ndaa kaam xawaa oxe tooñna soo rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer.›

A sutax ale 34:6

Maaga, o Yaal oxe a joonaan, a falalooxahin ee: «Mi yoo, mi o Yaal oxe refna Roog fa mayu yirmande, laabiir, muñantaa, may fo o paaxel soo gore.

O leetar ole Pool a bindna GIMU WE NGENNA ROM 9:18

Neene boog, Roog a yirma oxe ta bugna, a saƭkin xeeñ no xe ta buganuuna.

Yosuwe 6:22

Yosuwe kaa lay’u goor ɗik waa ngorooxiid’ina saax le yee: «Ndetyo no mbind Rahab, a caga le, nu sutiidin, ten fo ƥasil um fop ne nu ndaaɓoorit’uuna fo ten.»

2 Piyeer 2:7

Na jamaane faaga, a mucla a Lot fee reeƭna o koor o cofu, naqadiloox’ina no xeeñ um yaam caasaay ne wiin weene a saq’ina na pesoorooƭ a paaxeer ale den.

Mberaand 19:15

Yaa mbuyukuun naa a xoolaa, malaaka ke a ndefa no mbam’aa a Lot ee: «Inooxi xot o teef fo xa ƥiy xa tew xa ƭaq axe wo ndefna meeke, yaam ndik o saŋkoox no njofaƭar ne na teeru fene.»

A sutax ale 34:7

Kaam yirmaa wiin cuni-cuni, waasantaa njofaƭar fo tooñ fo pakaad, ndaa faritkiim oxe tooñna, too kaam rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer.»

A cangatin ale 5:15

Fat o wetandoox ee reeƭaa o paɗ no saax laa Misira, soo mi o Yaal oxe Roog of, um suttong maaga fo o ɓay o jegu doole le mi fo a naax es ale letnooxna. Ten taxu mi o Yaal oxe Roog of um heblong o roofand bes fee na ñootnax ale.

A cangatin ale 6:21

fat nu ndoon a den ee: ‹Kaa i ndeeƭu faɗ Firawon fee kam saax laa Misira, soo o Yaal oxe a sutit a in maaga fo o ɓay o jegu doole le ten.

A cangatin ale 7:8

Kaa koy, o Yaal oxe kaa fex a nuun too a fadnana a nuun ke ta daaɓoox’ina fo daan nuun. Ten taxu a sutta a nuun o ɓay o jegu doole le ten no saax le nu ndeeƭna faɗ, a jaɓit a nuun na xa ƥay Firawon fee o maad Misira.

A kim a tedu ke 32:10

O soxodu xe, coono ƥor mbodun mbaambir, oxe hoolooxna o Yaal oxe o mat, o mbeq um kaa widin.

A kim a tedu ke 33:18

A kid no Yaal oxe kaa ngaan took no we saɗaruuna too a yaakaaraa o mbeq um,

A kim a tedu ke 33:19

ndax ta mucil a den na fa nqon soo a ñoowdand a den, yaa biim a jegna sax.

Mberaand 43:10

Kaa jolna keene, boo i ñaal’aandeena neeke soƥkooga i njeg a caf a ƭak Misira boo ngat.»