Mberaand 19:15 - NQAARIIT NE ROOG

¹⁵ Yaa mbuyukuun naa a xoolaa, malaaka ke a ndefa no mbam’aa a Lot ee: «Inooxi xot o teef fo xa ƥiy xa tew xa ƭaq axe wo ndefna meeke, yaam ndik o saŋkoox no njofaƭar ne na teeru fene.»

Mberaand 19:15 Referans Kwoze

Mbeeñil 18:4

Cinj kaaga, nanaam o ñuxur o lakas a inoortiid na asamaan, a lay ee: «Nuun xeet es, sutooxyo teen, ndax nu mbogkee no pakaad ke ten, soo njeg a las no taamaala ke naruuna o ndal,

2 Korint 6:2

Yaam Roog kaa lay kam a Pind a Tedu ke yee: «Na jamaane fa mbaax fee nan-gilooxaaxoong, na bes fee na muc ale um ƴufgong.» No ndigil, ndiiki refu jamaane fa mbaax fee, kaam ee, xaye refu bes fee na muc ale.

Mberaand 19:22

Kaa koy, ñofi jaɓnook maaga, yaam fi’kiim dara a refangee kaa o fad.» Ten taxu teeru faaga a ne’el Sowaar.

Mberaand 19:17

Cinj ye goor ɗik we a sutna a den, o leng na den a laya yee: «Ƴufti o ñis of too ba o wiƈaqiloox. Ba o geenoox na xa saawit axene fop. Sagi farna fo xa coong axaa yaam ndik o saŋkoox.»

Mberaand 19:14

Lot a reta, a lay fo seemir um we ñaaƴoogna xa ƥeem ee: «Inooxyo, sutoox o mbiñ onqene, yaam o Yaal oxe xan a yaq teeru fene.» Ke ta layoogna koy, kaa dam’u seemir we ten calat.

Mberaand 19:16

Ne ta niidandooxoogna, goor ɗik waaga a ndamaan no ɓay, a ndeƈndeƈnin, ten fo o teem fo xa ƥiy xa tew xa ƭaq axe ten, a sut a den teeru faa, yaam o Yaal oxe kaa yirim’un.

A kim a tedu ke 94:23

Kaa rabdaa a den njofaƭar den, a saŋkitaa a den kañaan den. Kaam ee o Yaal oxe Roog in kaa saŋkaa a den.