Mberaand 19:14 - NQAARIIT NE ROOG

¹⁴ Lot a reta, a lay fo seemir um we ñaaƴoogna xa ƥeem ee: «Inooxyo, sutoox o mbiñ onqene, yaam o Yaal oxe xan a yaq teeru fene.» Ke ta layoogna koy, kaa dam’u seemir we ten calat.

Mberaand 19:14 Referans Kwoze

A lim ale 16:21

«Sutooxyo a ndeer mbokatax nene, too xam saŋik a den no ñofu!»

Yeremi 51:6

Ƈufyo sutoox a Babilon, oxuu refna a mucil o ñis um, ndik nu saŋkoox na qaw ale ten, yaam waxtu a tabdinax no Yaal oxe yoo. Xan a rabdin a pi um.

A lim ale 16:26

A laya mbokatax ne yee: «Ndiƈatooxyo ƭiif ke no wiin soxodu wene, too ba nu nduq dara no ke da njegna, yaam ndik pakaad ke den a mbarnoor a nuun.»

2 Caloori ke 30:10

We lul’eena a ndeta kam teeru ke Efrayim fo ke Manaase boo no ke Sabulon, ndaa wiin we kaa njaloogu a den, a nqaadnooxaa a den.

A pi ake 17:32

Ye da nanna Pool a layaa kaa farna na qontax ale no xon we, leng-leng kaa nqaadnooxoogun, soo lakas we a layaa yee: «Jaf lakas, xan i nan-gilooxong no kaa farna no keene.»

YEGIL MBAAX NE YEESU ne Lik a bindtuuna 24:11

Kaa koy, fa lay faaga a reeƭa fa lay fa ñaku xoox na den, too ngim’ee ke rew we a lay’ina.

Mace 9:24

a laya a den ee: «Ndiƈatooxyo, yaam o ndoog onqe xonee, kaa ɗaanaa soom.» Maaga, wiin mayu a nqaadnooxooga a Yeesu.

Yeremi 20:7

O Yaal oxe, naxaxamo too yenaam me ɗaapanaxamoona. Naagaxamo nuus fa doole soo maafaam. Kaam gen no jaleel bes fuu refna, fop a nqaadnooxaxam.

Esayi 28:22

Ndiiki boog, mbaasyo o nqaadnax onqe nuun, ndik ceen ke nu ngumteena a moƴel o nqiisin, yaam yaq fee no saax le fop a fosooxe boo a ƴut. Nantaanum no Yaal oxe na refkaa boo faw Hupna fop.

Xa peƭit axe 29:1

Oxe soqeena soo a maad no saƭik-xoox xan a duguñel ndak fo ndak, too jegkee ƈufig.

2 Caloori ke 36:16

Kaa koy, Ii-isra’el we kaa nqaadnooxoogu duleer we Roog, a nqeefaa fa lay um, a njalaa a den boo neen fuux ɗomu le no Yaal oxe a biltooxanu xeet um too mbaag’atiran o ndaɗ.

1 Tesalonik 5:3

Yaa wiin we a ngapko layaa yee «Ndaw jam!» tee «Ndaw booru!», ndak fo ndak nen gaaj, yaq fee a dalitkaa took den, too o leng waagkiran o daɗ a koom.

YEGIL MBAAX NE YEESU ne Lik a bindtuuna 9:42

Yaa ta matiidaa, jini faa a yo’naan, too a naagaan dal a maafin. Kaa koy, Yeesu a ŋala jini fee, a wodand o ndeɓandoong onqe, too a nomtaan a faap um.

Mace 1:18

Neeke o rimel ole Yeesu Kiristaa a xewit’u: Mari fee ya um, o toog Yoseef a reeƭu. Yaaga yoonafulee, Mari a fud’a na pexey Yiif Tedu le.

A sutax ale 12:31

No yeng olaaga sax, Firawon fee a xoyna a Moyiis fa Aaroon, a lay a den ee: «Inooxyo, sutoox saax es, nuun fo Ii-isra’el lakas we. Ndetyo mbaɗook o Yaal oxe ne nu nqeɗit’uuna.

A sutax ale 9:21

ndaa we a ƭat den a yong’eerna na fa lay fee no Yaal oxe, a nqaƴa surga den fo xa siir den na xa qol axaa.

Mberaand 19:22

Kaa koy, ñofi jaɓnook maaga, yaam fi’kiim dara a refangee kaa o fad.» Ten taxu teeru faaga a ne’el Sowaar.

Mberaand 19:17

Cinj ye goor ɗik we a sutna a den, o leng na den a laya yee: «Ƴufti o ñis of too ba o wiƈaqiloox. Ba o geenoox na xa saawit axene fop. Sagi farna fo xa coong axaa yaam ndik o saŋkoox.»

Mberaand 19:15

Yaa mbuyukuun naa a xoolaa, malaaka ke a ndefa no mbam’aa a Lot ee: «Inooxi xot o teef fo xa ƥiy xa tew xa ƭaq axe wo ndefna meeke, yaam ndik o saŋkoox no njofaƭar ne na teeru fene.»

Yeremi 43:1

Yaa Yeremi a layna xeet fee fop boo a ƴut fop ke o Yaal oxe Roog den a sim’uuna ta lay a den,

Yeremi 43:2

Asariya fee o ƥiy Hosaya, Yohanan fee o ƥiy Kare’a fo goor felnooxu we fop a laya a Yeremi yee: «Ke o layaa jegee, o Yaal oxe Roog in lulirang o lay a in ee i mbaree o ndet Misira, ndax i laqook maaga.