Mberaand 19:13 - NQAARIIT NE ROOG

¹³ yaam xan i yaq teeru fene. Paaxeer ke no we ngenna teen a magna lool mbaambir no Yaal oxe. Ten taxu o Yaal oxe a luliid a in, ndax i yaqin pic.»

Mberaand 19:13 Referans Kwoze

Mberaand 18:20

O Yaal oxe a laya a Abraham ee: «Ƭomatax ne took Sodoom fa Gomoor a ɗoma tigi, too bakaad den a magna lool!

Yudaa 1:7

Mbetandooxyo itam a Sodoom fa Gomoor fo teeru lakas ke mbidna a den, andoona yee kaa ndeɓoox’u no caasaay, a seeqaa nen malaaka keene. A qaw ale no fiɗel le na refkaa boo faw a dala took den. Neene a ndefata a lalgand ale cooxeena wiin we fop.

A pi ake 12:23

Na waxtu faaga sax sax, malaaka no Yaal oxe a xawa a Herood, yaam ɓoxot’ee a Roog tedaanga. Maaga, kusax a ñaamaan, soo ta xon.

Saak 5:4

Kaa nu naxoogu wiin we njalna na xa qol nuun, mbañ o ndabid a den. Den koy, owe loolooxaa a Roog ne nu mbi’itna fa den. Wiin weene njalanna a nuun owe mbuuqaa, too Roog o Yaal oxe Hupna fop a nana a den.

Esayi 37:36

Malaaka no Yaal oxe a roka no saŋe ne no Aa-asuur we soo a war na den goor cuni teemeed fo goor cuni qarɓeen ɓetuu tadik fo goor cuni ƥetik. No feet nqes olaa, yaa waa nqon’eerna a yokooxna, a nga’a xa tal axeene fop.

Esayi 36:10

Too sax, ndax kaa o yaal mbind es a fool a fool a song saax lene, ndax ta gefin, too o Yaal oxe yoonee teen? O Yaal oxe fa xoox um layun ee: ‹Songi saax lene too gefin tuƈ.› »

Esayi 3:11

Kaa koy, ndaw naqad took no soxodu xe, yaam xan a rabdel a pi um.

Mberaand 13:13

Wiin we ngen’ina Sodoom koy wiin faaxeer a ndeeƭu, soo a tooñaa o Yaal oxe.

Mberaand 19:12

Goor waa a laya a Lot ee: «O pog o lakas oxum jego kam teeru fee? Ta ref o seemir mbaat o ƥiy o ndew mbaat o ƥiy o ngoor fo xuu jegoona na teeru fee, suti a den o mbiñ onqene,

A paɗax ale 26:30

Xam yaq a ñaang a sadaxand ake nuun, maaf toxir qeeñe-xeeñe ke nuun, fokat xa tal nuun took ƭaaq ke no pangool ke nuun, too xan nu mbasaam.

A cangatin ale 4:26

Boo nu mbi’na bakaad feene, mexe maƭooxaa a nuun xaye, too asamaan fo lanq ndefu seede ke, yee nu ñakkee o sooƴ no saax le nu njegkaa no mudand ne Yordaan. Nu miñkee teen dara, too xan nu moocandel boo nqet.

A cangatin ale 28:45

Xan a salax akeene fop a ndal took nuun, a ndeef a nuun boo yaa nu moockaa, yaam ne nu nanankeerna o ñuxur no Yaal oxe Roog nuun, ndax nu ndeef kebil ke ten fo bargal ke ten, ta cooxna a nuun.

Yeremi 44:22

O Yaal oxe waagatee o muñ kañaan ne na pi nuun fo cednooxu ke nu mbi’na. Ten taxu saax le nuun a fes a pec, a wootat, a saloorteel, too genataand, ne ta refitna xaye.

A lim ale 16:21

«Sutooxyo a ndeer mbokatax nene, too xam saŋik a den no ñofu!»