Mberaand 18:5 - NQAARIIT NE ROOG

⁵ Xam ret ɓisiid ñaamel ndax nu ndif’oorin. Cinj kaaga, nu mbaaga o suur a ƭat nuun. Neene, nu ndeefkee me no tag nuun na kasaara.» A ndoonaan ee: «Iyo! Fi’teen ne layoona.»

Mberaand 18:5 Referans Kwoze

Haahate we 13:15

Maaga, Manowa a laya a malaaka fee no Yaal oxe yee: «Xaƴi i nqurong, njawanong o mbambe.»

A kim a tedu ke 104:15

biiñ fee na felakinaa kam no kiin, diwliin fee na meleƈnaa mukit um fo ñaamel ke na ci’an doole.

Haahate we 19:5

No ñaal nahkandeer naa, a inooxa ƥiiɓ teel, soo o Leelewi xe a waajataa o ret, ndaa faap fee no tew oxe a laya o seemir um ee: «Cungi i ñaktoox kañ, ndax o jeg doole, cinj kaaga nu ndet!»

Haahate we 6:18

Ba o goƭ mene boo yaa um nomtooxiidkaa paam of, ɓisiid sadax es soo diƈin mbaambir of.» O Yaal oxe a doonaan ee: «Xam cungong mene boo yaa o nomtooxiidkaa.»

Mberaand 33:10

Maaga, Yakoob a doonaan ee: «Ha’aa, kaam xeɗang a soƥangaa kañ ee daawaam yirmande of, jaɓi ci’it neeke um cooxang, yaam ten taxu um ɗeet mukit of, ne mukit Roog a ɗeetteel, too jaɓaxamo.

Mberaand 19:8

Nu nga’a, jegaam xa ƥiy xa tew xa ƭaq axaa andafuleerna adna. Waagaam o sutaniid a nuun a den, nu mbi a den kuu felna a nuun. Kaa rek, goor wene andoona yee genar es a ndefu, ba nu mbi a den dara.»

Esayi 3:1

Nga’yo, o Yaal oxe na refkaa boo faw Hupna fop xan a suqit na Yeerusaleem fa Yudaa o ndimle fo ndamlooxand nuu ta waagna o ref. Xan a jaɓ ñaamel den fo foofi den fop

Mace 6:11

Ci’i a in xaye ñoowir in no mbeet oo mbeet.

Mberaand 18:6

Abraham a ñofa o yaang no ƭiif naa ten maa Saara, a layin ee: «Ñofi eed fo o eedir ole xa eed xa tadaq mbiɗel, o xiiwin, fi’an a den xa kaf.»

Haahate we 6:19

Gedeyon a dalfooxa o ret, a jaw o mbambe, a juɗ puuru canja’e kaa mbi’teena ngap kilo qarɓeen tadik mbiɗel. A yipa a tegeƴ ake kam a cenjel, diwliin fee hatna teen ta yipin na tokol, a ɓisiidin a malaaka fee ɗuga ngariñ naa, a cooxin o ten.

Haahate we 13:16

Malaaka fee no Yaal oxe a doona a Manowa yee: «O xurangaam sax oo, ñaamkiim no ñaamel ke wo. Kaa koy, o bugangaa, waagaa o jagand sadax fa ndoxel, ɓoxotin o Yaal oxe.» Manowa and’ee yee malaaka fee no Yaal oxe a reeƭu.

1 Maad we 17:11

Ye ta waaƭkaa foofi le, a xoyahinaan, a layin ee: «Ngela ɓislooxiidaam o xapit o gaf.»