Mberaand 18:32 - NQAARIIT NE ROOG

³² Abraham a laya yee: «O Yaal oxe, ngela ba o fuux! Jaf leeke soom um laykataa. Xeƈa jofu xarɓaxay soom owaay maaga.» O Yaal oxe a doonaan ee: «Yaaga saŋikkinum yaam jofu xarɓaxay waaga.»

Mberaand 18:32 Referans Kwoze

Haahate we 6:39

Gedeyon a laya a Roog ee: «Baa fuux le wo a biltooxanaam, yaa layahinuuma fa wo jaf leng. Kaam bug rek o anddiloor o lakas fo a ƥiñ ake. No jaf leeke koy, fat a ƥiñ ake a mbeer koroŋ, soo lanq ke mbidna a den a liim.»

Mace 7:7

«Nqeɗyo a Roog, too xan nu ci’el, mbaaƭyo too xan nu nga. Koŋ-koŋinyo, too xan nu mbetanel.

Efees 3:20

Na pexey katil ne na jalaa na in, Roog a jega sañ-sañ faa ta fi’taa kili kupu ke i nqeɗaa mbaat i nqalaatan sax.

Mise 7:18

Ndax a jega Roog faa nandna fa wo? Kaa o waasantaa tooñ ne, too naagiro xawaa njofaƭar ne no we yoqna na xeet of fee jegoodoona. Naagiro damaa fuux of boo kili, yaam kaa o sawar no yirim a in.

Esayi 65:8

O Yaal oxe kaa tee: «Ne nduunq xa biiñ axaa mayna foofi a layteel ee: ‹Baa yaqel, yaam kaa barke›, neene um fesooritkaa fo dag es tigi, yaqkiim a den.

Xa peƭit axe 15:8

O Yaal oxe kaa sib sadax ke no soxodu we, a qeƭ no jofu we mat a felin.

A kim a tedu ke 86:5

Wo o Yaal oxe, kaa o faax soo yaaj kam, may fo o mbeq no fop we na ƈufginooxang.

Ke bindeena no xe ne’eena YOB 33:23

Kaa koy, a soƥangaa yee a jega malaaka faa na xeɗooxanan, a refangaa fa leng kut a ndeer malaaka cuni-cuni sax, soo a yegin o kiin oxe ke ta helna o fi,

A sutax ale 32:14

Cinj a qeƭax alaaga, o Yaal oxe a waasa paaxeer ke ta yuuɓan’ina xeet um.

Mberaand 18:30

Abraham a layahina yee: «O Yaal oxe, ngela ba o fuux yaa ɓaatuuma o lay! A waaga o ref ee jofu qarɓeen tadik waay maaga.» O Yaal oxe doonaan ee: «Fi’kiim dara yaa soƥuuma maaga jofu qarɓeen tadik.»

Mberaand 18:31

Abraham a layahina yee: «O Yaal oxe, boo ndiik de waasanaam! Xeƈa jofu qarɓeen ƭik waay maaga.» O Yaal oxe a doonaan ee: «Yaaga, saŋikkinum yaam jofu qarɓeen ƭik waaga.»

Mberaand 44:18

Maaga, Yudaa a matiidaan, a layin ee: «Ngela yirmaam o yaal es! Ci’aam rek mi fee o tag of um lay fa wo too baa fuux of a biltooxanaam yaam kaa o nand fa Firawon fee!

Yeremi 5:1

O Yaal oxe kaa tee: «Mbidyo ped ke Yeerusaleem, ƭeet a paax, ngoroox, mbaaƭ no paayo ke ten. Nu nga’angaa teen o leng kut oxaa na fi’aa cofu, a jeemaa o gore, xam waasan a Yeerusaleem.»