Mberaand 18:31 - NQAARIIT NE ROOG

³¹ Abraham a layahina yee: «O Yaal oxe, boo ndiik de waasanaam! Xeƈa jofu qarɓeen ƭik waay maaga.» O Yaal oxe a doonaan ee: «Yaaga, saŋikkinum yaam jofu qarɓeen ƭik waaga.»

Mberaand 18:31 Referans Kwoze

Hebre 4:16

Fat i ngooloox o matiid boog gamb no maad le Roog, me yirmande a refna. Xan i ndaawit teen a baasan, njegit teen yirmande fo o ndimle a mbanuu i soxla’uuna.

Efees 6:18

Mbi’yo keene fop, yoonandtin a qeƭ, nqeɗaa o ndimle Roog na pexey Yiif le. Saƭikyo no keene boog, ngen teen, too nqeɗanaa tedu we fop.

YEGIL MBAAX NE YEESU ne Lik a bindtuuna 18:1

Yeesu a naxooxa a den, ndax ta lal a den ee a mbara o ngen no nqeɗaa, too a mbañ o mbaas.

YEGIL MBAAX NE YEESU ne Lik a bindtuuna 11:8

Mexe layaa a nuun ee: A inooxangee a cooxin a den sax oo yaam ne oxeene a refna xaariit um, xan a inoox yaam ndik ta wennoor a xoox um, too xan a cooxin fop ke ta soxla’na.

Mace 7:11

Ke nu soxodna soxod fop oo, kaa nu ci’aa xa ƥiy nuun tig paax. Yaaga koy, ndax Faap nuun fee refna na asamaan ci’kee a nuun paax yaa nu nqeɗuuna o ten?

Mace 7:7

«Nqeɗyo a Roog, too xan nu ci’el, mbaaƭyo too xan nu nga. Koŋ-koŋinyo, too xan nu mbetanel.

Mberaand 18:27

Abraham a layaan ee: «Ga’angi, fo ut fo ndaw rek refum soo fi neeke layaa fo o Yaal oxe.

Mberaand 18:30

Abraham a layahina yee: «O Yaal oxe, ngela ba o fuux yaa ɓaatuuma o lay! A waaga o ref ee jofu qarɓeen tadik waay maaga.» O Yaal oxe doonaan ee: «Fi’kiim dara yaa soƥuuma maaga jofu qarɓeen tadik.»

Mberaand 18:32

Abraham a laya yee: «O Yaal oxe, ngela ba o fuux! Jaf leeke soom um laykataa. Xeƈa jofu xarɓaxay soom owaay maaga.» O Yaal oxe a doonaan ee: «Yaaga saŋikkinum yaam jofu xarɓaxay waaga.»