Mberaand 18:30 - NQAARIIT NE ROOG

³⁰ Abraham a layahina yee: «O Yaal oxe, ngela ba o fuux yaa ɓaatuuma o lay! A waaga o ref ee jofu qarɓeen tadik waay maaga.» O Yaal oxe doonaan ee: «Fi’kiim dara yaa soƥuuma maaga jofu qarɓeen tadik.»

Mberaand 18:30 Referans Kwoze

Esayi 6:5

Maaga, layaam ee: «Sabab took es! Saŋkooxaam kañ, yaam kaam ref o kiin oxaa xaaɗna o don, gen a ndeer xeet faa nqaaɗna o don itam, soo a kid es a nga o Maad oxe, o Yaal oxe Hupna fop!»

A kim a tedu ke 89:7

O Yaal oxe, jegiro o nand meene took, too o leng no pindel ke na asamaan fodee fa wo.

A kim a tedu ke 10:17

O Yaal oxe, kaa o nan-gilooxaa ke neewandooxu we a yakaƥaaraa, soo ɓaataa a den njambaar. Kaa o rungaa nof of farna fa den,

A kim a tedu ke 9:12

Nqaananyo o Yaal oxe genna Siyoŋ, yegnit a ndeer qeet ke a pi katil um.

Ke bindeena no xe ne’eena YOB 40:4

«Mi kañ, refiim tus, ndi xar um doonkang boog? Kaam dam o don es.

Haahate we 6:39

Gedeyon a laya a Roog ee: «Baa fuux le wo a biltooxanaam, yaa layahinuuma fa wo jaf leng. Kaam bug rek o anddiloor o lakas fo a ƥiñ ake. No jaf leeke koy, fat a ƥiñ ake a mbeer koroŋ, soo lanq ke mbidna a den a liim.»

Mberaand 44:18

Maaga, Yudaa a matiidaan, a layin ee: «Ngela yirmaam o yaal es! Ci’aam rek mi fee o tag of um lay fa wo too baa fuux of a biltooxanaam yaam kaa o nand fa Firawon fee!

Mberaand 18:29

Abraham a ɓaata o lay ee: «A waaga o ref ee jofu qarɓeen nahik soom ndefu maaga.» O Yaal oxe doonaan ee: «Yaaga, fi’kiim a den paaxeer leng yaam jofu qarɓeen nahik waaga.»

Mberaand 18:31

Abraham a layahina yee: «O Yaal oxe, boo ndiik de waasanaam! Xeƈa jofu qarɓeen ƭik waay maaga.» O Yaal oxe a doonaan ee: «Yaaga, saŋikkinum yaam jofu qarɓeen ƭik waaga.»