Mberaand 18:29 - NQAARIIT NE ROOG

²⁹ Abraham a ɓaata o lay ee: «A waaga o ref ee jofu qarɓeen nahik soom ndefu maaga.» O Yaal oxe doonaan ee: «Yaaga, fi’kiim a den paaxeer leng yaam jofu qarɓeen nahik waaga.»

Mberaand 18:29 Referans Kwoze

Hebre 4:16

Fat i ngooloox o matiid boog gamb no maad le Roog, me yirmande a refna. Xan i ndaawit teen a baasan, njegit teen yirmande fo o ndimle a mbanuu i soxla’uuna.

Efees 6:18

Mbi’yo keene fop, yoonandtin a qeƭ, nqeɗaa o ndimle Roog na pexey Yiif le. Saƭikyo no keene boog, ngen teen, too nqeɗanaa tedu we fop.

Mberaand 18:28

A waaga o ref ee xan ɓetuk a yaqan ta fad qarɓeen ƥetik, ndax ɓetuk waaga xan a tax o saŋik teeru faa fop?» O Yaal oxe a doonaan ee: «Um soƥangaa maaga jofu qarɓeen nahik fo jofu ɓetuk, saŋikkinum.»

Mberaand 18:30

Abraham a layahina yee: «O Yaal oxe, ngela ba o fuux yaa ɓaatuuma o lay! A waaga o ref ee jofu qarɓeen tadik waay maaga.» O Yaal oxe doonaan ee: «Fi’kiim dara yaa soƥuuma maaga jofu qarɓeen tadik.»