Mberaand 18:27 - NQAARIIT NE ROOG

²⁷ Abraham a layaan ee: «Ga’angi, fo ut fo ndaw rek refum soo fi neeke layaa fo o Yaal oxe.

Mberaand 18:27 Referans Kwoze

Esayi 6:5

Maaga, layaam ee: «Sabab took es! Saŋkooxaam kañ, yaam kaam ref o kiin oxaa xaaɗna o don, gen a ndeer xeet faa nqaaɗna o don itam, soo a kid es a nga o Maad oxe, o Yaal oxe Hupna fop!»

YEGIL MBAAX NE YEESU ne Lik a bindtuuna 5:8

Yaa Simoŋ Piyeer a ga’na kaaga, a naaga giriƥriƥ, a gooknoox paam Yeesu, too a lay ee: «O Yaal oxe, goƭaam yaam o paabakaad refum.»

Mberaand 3:19

Boo yaa o nomtooxkaa no lanq ke hat’oona, ñiitoox foop no rak of na taxkaa o jeg ñaamel. No lanq ke hato, too teen o nomtooxkaa.»

YEGIL MBAAX NE YEESU ne Lik a bindtuuna 18:1

Yeesu a naxooxa a den, ndax ta lal a den ee a mbara o ngen no nqeɗaa, too a mbañ o mbaas.

Esayi 64:8

O Yaal oxe, ba o fuux bo ta ɗom, too ba o gen no wetandooxaa tooñ ke in. Koo dami rek ee in fop xeet of i ndefu.

O baawaare xe 12:7

boo cer ke a ngelko fo nomtooxaa no lanq ke da ngat’ina, soo o ñoow ole a nomtoox maa Roog fee ci’it’uuna.

Ke bindeena no xe ne’eena YOB 30:19

Roog kaa deɓaam kam lopopooƈ le, um nandtataa fo ut fo ndaw.

Ke bindeena no xe ne’eena YOB 4:19

Nam a hoolooritkaa o kiin oxe refna mbind maxte ƭok, a hat no fo ut ole, a waagel o tuc nen o ngusax?

Mberaand 2:7

Naaga, o Yaal oxe Roog a xota no fo ut ole no lanq ke, a muul o kiin soo a wuuɗ o ñoow na xa ñis um. O kiin oxe a dalfooxa o jeg o laaw olaa na fiɗaa.

A kim a tedu ke 144:3

Ndi o Yaal oxe, xar o kiin a refu boo a ƭat of a yongaa no ten? Ndi xar o ƥiy Aadama a refu bo tee kaa o moof xalaman?

A kim a tedu ke 8:4

Um ɗeetangaa ɗeet asamaan fee saktoona xa ƥay of, o nqool onqe fo xa qoor axe sipoona teen,

Esdaraas 9:6

soo lay ee: «Roog es, mexey na gaci too sedaam o yoɗ mukit es farna fa wo, wo Roog es, yaam pakaad in kaa ngartat a in took, soo tooñ in a cokrandoor boo na asamaan.

Mberaand 18:28

A waaga o ref ee xan ɓetuk a yaqan ta fad qarɓeen ƥetik, ndax ɓetuk waaga xan a tax o saŋik teeru faa fop?» O Yaal oxe a doonaan ee: «Um soƥangaa maaga jofu qarɓeen nahik fo jofu ɓetuk, saŋikkinum.»

A sutax ale 32:11

Kaa koy, Moyiis a xeɗooxa o Yaal oxe Roog um, a layin ee: «O Yaal oxe, xar taxu o fuuxan xeet of fee sutoona no saax le Misira na katil fa maak fo o ɓay o jegu doole?