Mberaand 18:25 - NQAARIIT NE ROOG

²⁵ Fi’kiro kaaga koy! Doonkiro o cofu xe leng kut ke doonoona o soxodu xe, soo warnoor o cofu xe fo o soxodu xe jaf leng. Wo fee na hate’aa we no lanq ke, ndax fesoorkiro fo o cofel?»

Mberaand 18:25 Referans Kwoze

Ke bindeena no xe ne’eena YOB 8:3

Foogaa moos ee xan Roog a hate’it njofaƭar, ndi o Cegu katil oxe xan a sufaal o cofel ole?

Ke bindeena no xe ne’eena YOB 8:20

Kaa koy, Roog deɓkee muk o cofu xe, too naagee ci’aa o soxodu xe a caf.

A kim a tedu ke 58:11

O cofu xe xan a jeg o ɗaay, yaa ta ga’kaa ndabdinax ne Roog took no soxodu we soo a loofaa no fo’oy den.

A cangatin ale 32:4

Ten refu ɓil le. A pi ake ten njegee sik. A ƭat ake ten fop kaa njof. Kaa ref Roog fa ngore’u faa fi’keerna njofaƭar. Kaa jof soo a woor.

A kim a tedu ke 94:2

Wo o kaahate xe na adna fee, naagi daket, ndax o rabid ga’atinooxu we a pi den.

2 Korint 5:10

Yaam in fop, kaa i mbar o ngeennel no nqel ne Kiristaa, ndax ta ɓoxot oxuu refna a pi um ye ta ñoowaa no cer um, ta ref paax mbaat paaxeer.

Malaki 3:18

Maaga, xan nu nga’ahin njektir ne refna ndeer o cofu xe fo o soxodu xe, nga itam an dagooxu a Roog fo an dagooxeerun.

A kim a tedu ke 98:9

mbaambir no Yaal oxe, yaam oxe garaa, ndax ta maadoox took lanq ke. Xan a maadooxanit adna fee o cofel, qeet ke, ta maadooxanit a den a ƭat.

Yeremi 12:1

O Yaal oxe, kaa o jof bo ta hup, ndax um ñimatir fa wo. Yaqanee koy, bugaam o lay fa wo kaa jofna no kate of: Xar taxu a ƭat ale no soxodu we a xenaa, hoohod we fop a ñoowaa na jam?

O baawaare xe 7:15

Ga’aam kuu refna no ñoow kasaara es: O cofu xe kaa saŋkooxaa, ke ta jofna fop oo, soo o soxodu xe a xuuɗ bo, ke ta soxodna fop oo.

Hebre 12:23

fo mbokatax ne no gimu we ndefna taaw ke Roog, a kon den a mbindeena na asamaan. Nu matiida a Roog fee refna o kaahate no wiin we fop, matiid a yiif ake no wiin jofu we ñakna sik.

Mberaand 18:24

Xeƈa a waaga o jeg jofu qarɓeen ƥetik kam teeru faa. Ndax xan o saŋik a den itam, fañ o waasan teeru fee yaam jofu qarɓeen ƥetik we ndefna maaga?

A cangatin ale 1:16

Na jamaane faaga, heblaam haahate we nuun ee: ‹Fat nu nan-gilooxaa a paax ndeer o kiin fo kend um soo ngate’it oxuu refna o cofel, mbañ o ƭeet ee o pog um a daawru mbaat o gataakoon.

A cangatin ale 1:17

Ba nu mbarit o leng koy, yaa nu ngate’aa. Fat nu nan-giloox o mboƭomsogor onqe nen o kiin o maak oxe, too nu saɗarkee o leng, yaam Roog o mat jegu hate. A soƥangaa koy ee kaa nu njeg kaa ɗomeena o hate, fat nu ƥisiidaam o ten boo um horooxin.›

Haahate we 11:27

Mi o mat tooñiroong, wo kañ na fesooraa fa mi naa faaxeerna tee kaa o xire’iidaa fa mi. Yaasam o Yaal oxe refna o kaahate, a hate xaye a ndeer Ii-isra’el we fo Aa-amon we.› »

2 Caloori ke 19:7

Ndiiki koy, saɗaryo o Yaal oxe, mbootoox a paax yaa nu ƭegaa hate, yaam o Yaal oxe Roog in jaɓkee njofaƭar mbaat o farit o kiin mbaat o jaɓ o gerel.»

Nehemi 9:33

Wo, kaa o jof no fop ke dalna a in, yaam fesoortaa ngor, soo in o mat, i mbi paaxeer.

Ke bindeena no xe ne’eena YOB 34:10

Nuun yaal-o-and we, nan-gilooxaamoo boog! Saɗaand o lay muk ee Roog kaa fi’aa paaxeer, njofaƭar leng refee no Cegu katil oxe!

O baawaare xe 3:17

Layaam taa kam es ee: «Xan Roog a hate o cofu xe fo o soxodu xe, yaam tig oo tig fo a pi aluu refna hap a njegu.»

Yeremi 11:20

Kaa koy, wo o Yaal oxe Hupna fop, kaa o hate’taa o cofel, horooxaa a pug fo a qalaat a ƭasu ke no wiin we. Xam ga ndabdinax of took den, yaam wo doxnum nqeloor es.

Heseki’el 18:25

Kaa nu layaa yee: ‹A ƭat ale no Yaal oxe jofee.› Nuun mbind Isra’el, nan-gilooxyo boog: Ndax a ƭat es jofeeru, ndi ake nuun njofeeru?

A lim ale 16:22

Moyiis fa Aaroon a ngunga a lanq, a lay ee: «Wo Roog, wo fee saqna o ñis no pindel ke fop, ndax bakaad no kiin o leng kut xan a tax o fuuxan mbokatax ne fop?»

1 Caloori ke 16:33

Fat taxar ke na suungaan ake a njibin xa ƈeel mbaambir no Yaal oxe, yaam oxe garaa, ndax ta hate adna fee.

Ke bindeena no xe ne’eena YOB 34:12

No ndigil Roog naagee fi’aa paaxeer, o Cegu katil oxe naagee sufaalaa o cofel ole!

A kim a tedu ke 7:12

Roog o kaahate cofu yoo, a ref Roog fa ñangu bes fuu refna.

A kim a tedu ke 50:6

Asamaan kaa yegnitaa o cofel um, yaam Roog refu o Kaahate. A maaf

A kim a tedu ke 75:3

Roog kaa tee: «Mi, xam hate’it o cofel na waxtu fee hapuuma.