Mberaand 18:24 - NQAARIIT NE ROOG

²⁴ Xeƈa a waaga o jeg jofu qarɓeen ƥetik kam teeru faa. Ndax xan o saŋik a den itam, fañ o waasan teeru fee yaam jofu qarɓeen ƥetik we ndefna maaga?

Mberaand 18:24 Referans Kwoze

Yeremi 5:1

O Yaal oxe kaa tee: «Mbidyo ped ke Yeerusaleem, ƭeet a paax, ngoroox, mbaaƭ no paayo ke ten. Nu nga’angaa teen o leng kut oxaa na fi’aa cofu, a jeemaa o gore, xam waasan a Yeerusaleem.»

Esayi 1:9

Boo o Yaal oxe Hupna fop a wuusan’eerna a in yoqatin, nen a Sodoom i ndefkoogu, nand fa Gomoor.

Mberaand 18:32

Abraham a laya yee: «O Yaal oxe, ngela ba o fuux! Jaf leeke soom um laykataa. Xeƈa jofu xarɓaxay soom owaay maaga.» O Yaal oxe a doonaan ee: «Yaaga saŋikkinum yaam jofu xarɓaxay waaga.»

A pi ake 27:24

‹Pool, ba o saɗar! Xan o geenoox mbaambir Kesaar fee. Roog kam o paaxel um a ci’aang o ñoow, wo fo fop we yoontoona na kaal ale.›

Mberaand 18:23

Abraham a matiida, soo a lay ee: «Ndax xan o saŋkandoor o cofu fo o soxodu xe?

Mberaand 18:25

Fi’kiro kaaga koy! Doonkiro o cofu xe leng kut ke doonoona o soxodu xe, soo warnoor o cofu xe fo o soxodu xe jaf leng. Wo fee na hate’aa we no lanq ke, ndax fesoorkiro fo o cofel?»

Ke bindeena no xe ne’eena YOB 35:8

Kañaan ne wo de, o kiin nen a wo doŋ a waaganu tig. O cofel of o mbindeef soom a jeganu o njiriiñ.