Mberaand 18:23 - NQAARIIT NE ROOG

²³ Abraham a matiida, soo a lay ee: «Ndax xan o saŋkandoor o cofu fo o soxodu xe?

Mberaand 18:23 Referans Kwoze

A lim ale 16:22

Moyiis fa Aaroon a ngunga a lanq, a lay ee: «Wo Roog, wo fee saqna o ñis no pindel ke fop, ndax bakaad no kiin o leng kut xan a tax o fuuxan mbokatax ne fop?»

2 Sami’el 24:17

Ye Dawid a ga’na malaaka fee saŋkoogna xeet fee, a laya o Yaal oxe yee: «Mi bakaadu, mi o mat tooñu! Wiin weeke mbi’ee dara kaa faaxaƭarna. Yaaga boog, mi fo ƥasil es mbare o nqaw.»

Mberaand 20:4

Abimelek fee yoon’afuleerna fa Saara a laya yee: «Ndax xan o saŋik xeet a jofangaa sax oo?

Hebre 10:22

Yaaga boog, fat i matiid a Roog fo xeeñ letu fo o ngim o mayu muut fo a koolax, yaam xeeñ in a xoola qac no fop ke na ɓisiidaa yiif jeejooxu, too cer in a ƥogte foofi fo jegee sik.

Ke bindeena no xe ne’eena YOB 34:17

Ndax oxaa sibna o cofel ole a waagkooga o maadoox? Nam saɗto o maal o Cegu katil oxe jofna,

Mberaand 18:25

Fi’kiro kaaga koy! Doonkiro o cofu xe leng kut ke doonoona o soxodu xe, soo warnoor o cofu xe fo o soxodu xe jaf leng. Wo fee na hate’aa we no lanq ke, ndax fesoorkiro fo o cofel?»

Yeremi 30:21

Kelfa den xan a hat na den, o kelwaar den a sutoor teen. Xam ci’in ta matiidaam, too xan a ɓeriid farna fa mi. Ndi an waagkoogu fi keene too ɓoxotee o ñis um, a refangeerna mi xoyun? Mi o Yaal oxe layun.

A kim a tedu ke 73:28

Mi o mat, o ɗaay es refu um mat a Roog. No Yaal oxe na refkaa boo faw um jaɓnooxaa, lambnaa a pi um fop.

Ke bindeena no xe ne’eena YOB 8:3

Foogaa moos ee xan Roog a hate’it njofaƭar, ndi o Cegu katil oxe xan a sufaal o cofel ole?

Saak 5:17

Mbetandooxyo a Eliya! Eliya, o kiin o nandu nen a in a reeƭu. A xeɗ’a a Roog fo xeeñ um fop, ndax deɓkee. Kaa hatna na bes faaga boo xa kiid xa tadaq fa genwal, a teƥ jeg’atee no lanq ke.

Saak 5:16

Ten taxu, um layaa a nuun ee: Mbeejliryo pakaad nuun, too nqeɗanraa a Roog itam, ndax nu mbod. A qeƭ no kiin o cofu a jega doole lool.

Mberaand 18:24

Xeƈa a waaga o jeg jofu qarɓeen ƥetik kam teeru faa. Ndax xan o saŋik a den itam, fañ o waasan teeru fee yaam jofu qarɓeen ƥetik we ndefna maaga?

A sutax ale 23:7

Ba nu nan-gilooxaa xa maaƥ axe. Ba nu mbar a jaambuur fee mbaat o kiin o cofu xe, yaam mi o Yaal oxe ɗeetkiim oxe fi’na boom leene muk nen a jaambuur.