Mberaand 18:21 - NQAARIIT NE ROOG

²¹ Ten taxu xam ɗeetik boo and ndax kaa da mbesoor deŋ nen fangax le fadiidna boo me mi. A reftangee neene xam and.»

Mberaand 18:21 Referans Kwoze

A sutax ale 3:8

Kaam fudooxiid, ndax um wat a den na xa ƥay axe no Miimisira we, sut a den no saax leeke, ɓis a den no saax faax yaaju laa fo sis fo suum a ndaxritaa, me Kaakanaan we fo Heeheet we fo Aa-amori we fo Peeperisi we fo Hiihiwi we fo Yeeyebus we a ngenna.

Mberaand 11:5

O Yaal oxe a fudooxiida ndax ta ga teeru fee fo taax-took ne wiin we a maxoogna.

Sofoni 1:12

Na jamaane faaga, xam joktoox a Yeerusaleem fo o jam, too xam xaw goor we yaadooxna nen biiñ fa mbendu faa diƈooxna no nqiim um, soo a layaa taa kam den ee: ‹O Yaal oxe naagee fi’aa paax mbaat paaxeer.›

Mise 1:3

O Yaal oxe xey a sutooraa no Ngenand um, a fudooxiidaa, a dakaa took fo mbiñ fo ngoƭu took ne no lanq ke.

Yeremi 17:10

Mi o Yaal oxe, kaam ga’aa boo kam xeeñ soo horooxaa a pug ake, ndax um dakin oxuu refna a pesoorooƭ um, reefandin no ke a pi um a njagitna.

Yosuwe 22:22

«O Yaal katil oxe refu Roog, ii, ten refu o Yaal oxe! O Yaal katil oxe refu Roog, ii, ten refu o Yaal oxe! A anda ke taxna i mbi keeke, too Ii-isra’el we fop a mbaraan o and itam. A soƥangaa yee kaa i siiknoor fo o Yaal oxe mbaat i ngore’aƭar no ten, yaasam baa ta maadnoor a in o feet.

A cangatin ale 8:2

Fat nu mbetandooxaa a ƭat ale o Yaal oxe Roog nuun a xotnoorna a nuun fop kam a koƥ-a-ƥor ale na xa kiid qarɓeen nahik axeene. A doona a nuun coono mayu, ndax ta ɗeetloox a nuun boo a ga ke refna kam a qeeñ nuun, a and ndax nu mbuga ndeef kebil ke ten, ndax nam.

A sutax ale 33:5

O Yaal oxe a hebil’a a Moyiis ta lay Ii-isra’el we yee: «Xeet fa saƭku a qoox nu ndefu. Boo yoon’uuma fa nuun o ngap onqaa fi’na ñaf-fo-ƭeet soom, saŋikkoogaam a nuun. Ndiiki koy, mbolyo kelax ke nu ndokooxna, soo um ɗeetkaa ke um fi’kaa a nuun.»

Mberaand 11:7

Fat i ndet njaxas lak fee den boo leng we nanirkatee fo lakas we.»

Hebre 4:13

Jegee muk oxaa waagna o ɗas a Roog. Ke ta sakna fop kaa naag duŋ ee fuc mbaambir a kid um. Xan i njangtooxin ke i mbi’na fop.

1 Tesalonik 4:16

Xan o Yaal oxe fa xoox um a fangoox. Xan i nan o ñuxur no leng no kelfa ke no malaaka ke, soo a luuƥ ale Roog a jibit na asamaan. A koom, xan o Yaal oxe fa xoox um a fudoortiid na asamaan, soo we nqonna no ngim na Kiristaa a eet o nqontoox.

2 Korint 11:11

Xar taxu a ƭelem akeene koy? Xeƈa boog yaam kaa fexiim a nuun oo? Roog a anda yee jegaam o mbeq na nuun tigi!

YEGIL MBAAX NE YEESU ne Saŋ a bindtuuna 6:38

Yaam ke taxna um inoor na asamaan gar, refee yee ndax um fi ke felaxama fel, ndaa ndax um fi ke felna oxe luliidaxama.

YEGIL MBAAX NE YEESU ne Lik a bindtuuna 16:15

Yeesu a laya a den ee: «Kaa nu mbi’ooxaa wiin jofu mbaambir no wiin we, ndaa Roog a anda ke refna kam a qeeñ nuun. Ke wiin we a ƭeetaa nen tig maak, Roog a sibu.

Yeremi 17:1

O Yaal oxe kaa tee: «Bakaad fee no we ngenna Yudaa kaa bindtel pindir njelem, a tufir jamaa. Kaa miimel na patax ale na qeeñ den fo took xa can axe na xa sadaxand axe den.

A kim a tedu ke 90:8

Dara kunpa’irang no njofaƭar in, tooñ ke i ƭasnaa sax kaa naang dañ na kid of.

Ke bindeena no xe ne’eena YOB 34:22

Jegee o niɓaan, a sisaaƥ ne’aand, maa we na mbi’aa njofaƭar a mbaagna o ƭas.

A cangatin ale 13:3

ndax ta ɗooqloox a nuun nu mbaɗook roog lakas kaa nu and’eerna, njalan a den. Boo o anddiloor ole mbaat com’andtu ke a jegitna ne ta yegnit’uuna a nuun sax oo,

Mberaand 18:17

Maaga, o Yaal oxe a laya yee: «Ndax kaam ɗasinkaa a Abraham ke um fi’kaa?

A kim a tedu ke 14:2

O Yaal oxe kaa fod took-ee-took asamaan, a horooxaa wiin we boo a ga, ndax a jega na den o cegu yiif, ndax a jega oxaa na waaƭaa a Roog.

Mberaand 6:12

Roog a ga’a yee wiin we kaa yaqoox, a laawoox, o kiin oo kiin a xot a ƭat a paaxeer um took lanq ke.

Yoona 1:2

«Inooxi, ret Niniif, na teeru fa maak faa, too maƭooxin, yaam kañaan um a fadiida boo me mi.»