Mberaand 18:20 - NQAARIIT NE ROOG

²⁰ O Yaal oxe a laya a Abraham ee: «Ƭomatax ne took Sodoom fa Gomoor a ɗoma tigi, too bakaad den a magna lool!

Mberaand 18:20 Referans Kwoze

Mberaand 19:13

yaam xan i yaq teeru fene. Paaxeer ke no we ngenna teen a magna lool mbaambir no Yaal oxe. Ten taxu o Yaal oxe a luliid a in, ndax i yaqin pic.»

Esayi 3:9

A tagid den na laltaa jiko fa mbaaxeer den. Kaa lambnaa bakaad den nen wiin we Sodoom too ƭasnee teen dara. Ndaw naqad took den, yaam kaa oranaa a qoox den o njakad.

Mberaand 13:13

Wiin we ngen’ina Sodoom koy wiin faaxeer a ndeeƭu, soo a tooñaa o Yaal oxe.

Mberaand 4:10

Maaga, o Yaal oxe a laya yee: «Xar fi’o? O wuuq ole no fo’oy le no ndeɓ of a jaaƥatilooxiida boo me mi.

Saak 5:4

Kaa nu naxoogu wiin we njalna na xa qol nuun, mbañ o ndabid a den. Den koy, owe loolooxaa a Roog ne nu mbi’itna fa den. Wiin weene njalanna a nuun owe mbuuqaa, too Roog o Yaal oxe Hupna fop a nana a den.

Yeremi 14:7

Ke tooñ ke in a njambaa a in fop oo, fi’i tig yaam gon of, wo o Yaal oxe yaam ngore’aƭar ne in a maya lool, i mbakaada na wo.

Esayi 5:7

Isra’el refu a ƭing taxar biiñ ale no Yaal oxe Hupna fop, soo wiin we Yudaa a ndef ndaxar biiñ ne ta jimbna fo o ɗaay. O Yaal oxe kaa yaakaaroogu yee xan a ndeefaa a ƭat, ndaa koy, njofaƭar soom a ga’u na den. Kaa cungoogu na den o cofel, ndaa a coytax soom a nanaa.

Mberaand 19:4

Ye da maadna o ngirnaa, goor we na teeru fee ngenna Sodoom fop, maak fo xa caaƈ, a ngara, a mbid mbind ne Lot o kurul-keƥ. Fop maaga a nqetiid’u.

Yeremi 23:14

Ke ga’uuma no duleer we Yeerusaleem koy moƴu o sednoox. Kaa seeqaa, a ngen na xa maaƥ, a saƭakinaa we na mbi’aa paaxeer, ndax o leng feskee kañaan um a cinj. Den fop kaa nandaam nen wiin we Sodoom, we ngenna Yeerusaleem a nandaam nen we Gomoor.»

Heseki’el 16:46

O maag of o tew oxe gartoonga no ɓemb-roog o janoon refu Samari fo xa ƥeem xa tew, soo o ndeɓ of o ndew onqe gartoonga no ɓemb-roog o ñamaak a ref a Sodoom fo xa ƥeem xa tew.

Yoona 1:2

«Inooxi, ret Niniif, na teeru fa maak faa, too maƭooxin, yaam kañaan um a fadiida boo me mi.»

Mberaand 6:12

Roog a ga’a yee wiin we kaa yaqoox, a laawoox, o kiin oo kiin a xot a ƭat a paaxeer um took lanq ke.