Mberaand 18:2 - NQAARIIT NE ROOG

² Abraham a yoɗa a kid um, soo a ga goor daduk waa ngoƭ’eeruuna. Yaa ta ga’na a den, a inoora no ndokand ne no ƭiif ne ten, a ƴuf a xetook a den. A gunga a lanq,

Mberaand 18:2 Referans Kwoze

Hebre 13:2

Ba nu mbeecit muk ee, nu mbara o ndalnaa we na ngaraa me nuun. Leng-leng we mbesoorna neene, a ndalna malaaka sax too andiran.

Mberaand 18:22

Goor waa a ndeta, a nqot farna fa Sodoom, Abraham o mat a maad o geenoox mbaambir no Yaal oxe.

Mberaand 19:1

Malaaka ƭik a mbadiida Sodoom no kirand ngoor, a soƥ Lot a moof no ndokand ne Sodoom. Ye Lot a ga’na a den, a inooxa, a xetook a den, soo a gung a lanq.

Haahate we 13:3

Malaaka fee no Yaal oxe a feeñooxa o tew oxeene, a layin ee: «Andaam ee o timar refo too jegiro o ƥiy, ndaa xan o ref fo fud, ñoot o ƥiy o ngoor.

Mberaand 23:7

Abraham a inooxa, a gung a lanq mbaambir xeet fee no saax le ndefna ndef xa taan axe Heet,

Yosuwe 5:13

Bes, a soƥ Yosuwe a ref paam Yeriko, a yoɗa a kid um, a ga o koor oxaa jasnoorna fo ten, a woos laƥ um. Yosuwe a matiidaan soo a laamtin ee: «Fa in faro ndi fo fañ in?»

Mberaand 44:14

Yudaa fo fog faap we ten a nomtooxiida no mbind Yoseef. Yoseef koy, maaga a maad’u, too a ngunga a lanq mbaambir um.

Mberaand 43:28

A ndoonaan ee: «Faap in fee o tag of jam soom a jegu kañ. Oxaay jon maa ta refna.» A ngooknooxahina, a ngung a lanq.

Mberaand 43:26

Yaa Yoseef a gatna no mbind naa rek, a ƥoxotaan ci’it ke da saq’ina, soo a ngung a lanq mbaambir um.

Mberaand 32:24

A joota fa den a ƈufnand alaa, soo a jootin o jeg um fop.

Mberaand 18:16

Goor waa a inooxa ndax da suur. A njagna farna fa Sodoom, soo Abraham a welit a den.

Ruut 2:10

Maaga, Ruut a dalfooxa naag giriƥriƥ a gooknoox, a gung na caf Bowaas, a layin ee: «Nam faaxto fa mi neeke, soo fextaam neen, mi fee andaandeena meen?»

1 Piyeer 4:9

Naangyo ndalniraa a ndeer nuun kam pind ke nuun, too baa ref fo a cadax.

O leetar ole Pool a bindna GIMU WE NGENNA ROM 12:13

Fog nuun no ngim onqe, nu ƈufig a den yaa da ndefna na soxla, ndalnaa a paax we na ngaraa me nuun.

2 Maad we 2:15

Duleer we inoortiid’ina Yeriko a nga’aan soo a lay ee: «Yiif no tuleer le reeƭna na Eliya a fudooxa took Eliise.» A nqetiida fo ten, a ngung a lanq mbaambir um.

Mberaand 17:3

Abram a dalfooxa o gung a lanq, soo Roog a layin ee:

Mberaand 18:3

soo a lay ee: «O Yaal oxe, a soƥangaa yee daawaam yirmande of, ba o joon o paɗ of suuraa.

Mberaand 24:63

No kirand leng, Isaak a sutooxa ndax ta foƭit a caf um na xa qol axe, a yoɗa a kid um rek soo a ga keeleemb kaa na ngaraa.

Mberaand 23:12

Abraham a gunga mbaambir xeet fee no saax le,

Mberaand 42:6

Yoseef kelfa a reeƭu kam saax laa. We no saax laa fop ten jikooxoogu a den bele. Fog faap we ten a ngara, a ngung a lanq mbaambir Yoseef.

Mberaand 48:12

Yoseef a inta a den no kuɓay ke faap um, soo a gung a lanq.