Mberaand 18:19 - NQAARIIT NE ROOG

¹⁹ Feek kaam jil a Abraham, ndax ta hebil xa ƥeem fo wiin mbind um da ngayaa a ƭat ale no Yaal oxe, a ndeefaa a ƭat fo o cofel, xam fadnanin a tegit ake fi’ananuuma.»

Mberaand 18:19 Referans Kwoze

2 Timote 3:15

No ndeƥandoong of andto a Pind a Tedu ke. Den mbaagong o coox o and ole na ɓisaa na muc na pexey o ngim na Kiristaa Yeesu.

Efees 6:4

Nuun paap ke itam, ba nu njumband kam na xa ƥiy nuun, ndaa yaryo a den, njangnaa a den, too maƭooxaa a den no Yaal oxe.

2 Timote 2:19

Kaa koy, ke Roog a geeninna waagee o yen, yaam kaa siptin fa lay um feeke: «O Yaal oxe a anda wiin um» fo «Oxuu na ne’aa gon le no Yaal oxe, fat a fes paaxeer a cinj.»

1 Timote 3:12

Diidimle we no mbokatax ne no gimu we, oxuu refna teen kaa war o dam no teem o leng soom, a ɗoxaa xa ƥeem fo mbind um fop no cofel,

Xa peƭit axe 22:6

Merandi o njaaƈ onqe a ƭat ale ta warna o reef, too a maakangaa, ɗapkatiran.

1 Caloori ke 28:9

Wo Salomo fee o ƥees koy, andi a Roog fee na faap of too dagoortin xeeñ letu fo yiif jagandooxu, yaam o Yaal oxe kaa ɓaalaa a qeeñ ake fop, soo a jaqtaa a qalaat ake fop. O waaƭangaan, xan a ga’nooxong, ndaa o xaƴangaan xan a deɓong boo kili.

Yosuwe 24:15

Nu mbugangee o mbaɗoox o Yaal oxe koy, njilyo xaye oxe nu mbugna o mbaɗoox, ta ref roog ke daan nuun a mbaɗooxoogna kaltaa Ofrat mbaat roog ke no Aa-amori we nu ngenna no saax den, ndaa mi fo ƥasil es o mat, o Yaal oxe i mbaɗooxkaa.»

A cangatin ale 32:46

a laya a den ee: «Fa lay fee daawnuuma a nuun xaye, fat nu ƥektin yiif, soo ngebil xa ƥiy nuun, da ngay ndax da ndeef fa lay fee no kebil kene fop.

A kim a tedu ke 34:15

Fat o goƭatir fo paaxeer soo fi’aa paax, waaƭ jam soo reefanin.

A kim a tedu ke 11:4

O Yaal oxe xey no Mbind tedu ne ten, uum-maamaad um a ref na asamaan. A kid um kaa nga’aa fop soo ta horooxaa wiin we.

Ke bindeena no xe ne’eena YOB 1:5

Ñaal ke no mbumbaay ne a mbaaf’angaa, Yob a lultooga xa ƥeem da ngar soo ta ɓogid a den. No feet olaa, a inooxooga ƥiiɓ teel, a ɓoxotan oxuu refna na den sadax fa ndoxel, yaam kaa xalaatoogu yee: «Xeƈa xa ƥees axe ñakee o mbakaad, a saloox a Roog na qeeñ den.» Neene deŋ Yob a fi’toogun kili.

2 Timote 1:5

Boo ndiik, weectiim o ngim o ndiindigil onqe refna na wo. O ngim onqeene a reeƭa na maam of Loyiis, a ref na Eniis fee ya of, too a wooraxam ee oxe na wo itam.

A pi ake 27:31

Kaa koy, Pool a laya o aa-adax oxaa fo xiixire waa yee: «Boo wiin weeke a yoqeerna kam a kaal ale, yaaga nu mbaagkee o muc.»

YEGIL MBAAX NE YEESU ne Saŋ a bindtuuna 10:14

Mi koy, mi refu o kaynaak o paax oxe. Kaam and paal ke mi, da andaam,

Esayi 38:19

Ñoow we soom na simatang nen a mi xaye. Faap fee kaa andnooraa xa ƥeem ngor ne wo.

A kim a tedu ke 1:6

O Yaal oxe kaa yoonaa jofu we na ƭat den, soxodu we koy, a ƭat den a jagin na saŋkax.

2 Sami’el 7:20

Wo o Yaal oxe na refkaa boo faw, xar um doonkahinaa teen, yaam andaxamo, mi fee o tag of?

YEGIL MBAAX NE YEESU ne Saŋ a bindtuuna 21:17

A dakooxa o laamit jaf dadkandeer ee: «Simoŋ, o ƥiy Yoona, ndax fexaxamo?» Maaga, Piyeer a naqadilooxa yaam ke ta laamtuuna boo a caf a tadak ee «Ndax fexaxamo?», too a doonaan ee: «O Yaal oxe, dara kunpa’irang. Andaa xil ee fexaaxoong.» Yeesu a layaan ee: «Topatooxi paal es.

Amos 3:2

Kaa tee: «Kaam ɗeet a nuun ndeer qeet adna, jil a nuun. Ten taxu xam xaw a nuun a qaw alaa moƴna o ɗom yaam njofaƭar nuun.»

Mberaand 12:2

Xam sutit na wo xeet fa maak, too xam barke’ong. Xam fi’ong o yaal gon maak, too a cur barke tigi o refkaa.

Mberaand 12:3

We na salankang paax, xam barke a den, ndaa oxuu salooxoonga, xam salooxin. Qeet ke na adna fee fop na wo a mbarke’itkeel.»

Mberaand 17:9

Roog a laya a Abraham ee: «Fat o gay ngiɓoor ne mi, wo fo suk nuu refna na xa taan of.

Mberaand 22:18

Qeet ke no lanq ke fop no xaa faqaqoorna na wo a mbarke’itkeel, yaam kaa o nananaam.»

Mberaand 35:2

Yakoob a laya ƥasil um fo waa ndeeƭna fo ten fop ee: «Mbatinyo roog can ke a ndeer nuun, nqoolandoox soo supit tikoorik.

2 Sami’el 22:22

Ɗapiim a ƭat no Yaal oxe, fesiim a Roog es a cinj.

Nehemi 9:7

Wo o Yaal oxe Roog, wo jilu a Abram. Suttaano Uur kam Babilon soo ne’in Abraham.

A paɗax ale 14:42

Fat a kac a lakas a njangel, a mbi’el me a eetaand ake a ndeeƭna, soo a ndok ale a laaratinel.

Haahate we 13:12

Manowa a laya yee: «Ndiiki koy, fa lay of a fadnooxangaa, xar helu no goor ole fo nam a waru o ñoowit?»

2 Caloori ke 14:3

A hebla Yuuyudaa we da mbaaƭ o Yaal oxe Roog fee no daan den, a nanan kebil ke fo bargal ke ten.

Mace 25:17

Oxe jeg’ina xa qanjar xa ƭaq axe itam a reta a rimand waa ten, too a jegata xa qanjar xa ƭaq xa lakas.