Mberaand 18:18 - NQAARIIT NE ROOG

¹⁸ Xan Abraham a ref o taan no xeet fa maak fa njegu doole, too qeet ke no lanq ke fop no ten a mbarke’itkeel.

Mberaand 18:18 Referans Kwoze

Galati 3:8

A Pind a Tedu ke a laya yaaga yee xan Roog a ɗeet we ndefeerna Yaawuur nen jofu yaa da ngimna. Ten taxu Roog a yegna a Abraham yegil mbaax ne, ye ta layna yee: «Qeet ke fop na wo a mbarke’itkeel.»

Mberaand 26:4

Xam mayƭand xa taan of, da mayit nen xa qoor axe na asamaan. Cooxe kene fop, xam ci’in xa taan of, too qeet ke no lanq ke fop na xa taan of a mbarke’itkeel,

Galati 3:14

Neene we ndefeerna Yaawuur a ndaawtaa na Kiristaa Yeesu barke fee Abraham a barke’eena, too in itam, i ngimangaa, xan i ndaaw Yiif le Roog regteena.

Efees 1:3

Yaasam Roog Faap fee no Yaal in Yeesu Kiristaa a simatel! A barke’a a in, in we mbogna fa Kiristaa, ye ta ci’na a in barke-yiif fuu refna na asamaan.

A kim a tedu ke 72:17

Gon um ñufkee boo muk, too ten adooxu meen njeeƈ ne. Xan wiin we a mbarke’teel gon um, a saax ake fop a ƭaayit no ten.

Mberaand 28:14

Xa taan of xan a mayit nen pep lanq. Xan a ndal no ke xotitna no batand boo no mudand, fo no ke xotitna no ɓemb-roog o janoon boo no ɓemb-roog o ñamaak. Qeet ke no lanq ke fop no xaa faqaqoorna na wo a mbarke’itkeel.