Mberaand 18:16 - NQAARIIT NE ROOG

¹⁶ Goor waa a inooxa ndax da suur. A njagna farna fa Sodoom, soo Abraham a welit a den.

Mberaand 18:16 Referans Kwoze

A pi ake 21:5

Kaa koy, yaa bes faa a nomtooxiidna, i suura na ñaaƈ in. Gimu waa fop, goor fo rew fo xa ƥiy den a yoona a in boo i sutoox teeru faa. Maaga, i ndalfooxa o ngooknoox na tambando faa no maag olaa, soo ndef no nqeɗaa a Roog.

A pi ake 20:38

Den fop a naqadiloox’a yaam ne ta lay’ina a den ee: I nga’irkatee muk. Cinj kaaga, a mbeltaan boo na kaal alaa.

A pi ake 15:3

Mbokatax ne no gimu we a cooxa a den fop ke da soxla’na na ñaaƈ den. Cinj kaaga, a nqota a ƭat, a nqaañ Fenisi fa Samari, a mbetandooxaa o ngim onqe no we ndefeerna Yaawuur. Kaaga a reeƭa o ɗaay o maak no fog gimu we fop.

3Saŋ 1:6

Weene fop a mbetandooxaxam mayu, too ke da layna fop kaa seede o mbeq of. A layaan mbaambir no gimu we fop. Njogol of fa den itam a ɓutanda kam boo a paam Roog. Naagi o fi’aa neene.

O leetar ole Pool a bindna GIMU WE NGENNA ROM 15:24

Bugaam o fi keene yaa um retaa Espaañ. Yaakaaraam o ga a nuun, yaa reefiiduuma meene boo daaw o ndimle nuun, ndax um waag o suur no saax leene, ta ref itam o wooƥ olaa um waagkaa o moofit fa nuun boo ñaal leng-leng.

Mberaand 18:2

Abraham a yoɗa a kid um, soo a ga goor daduk waa ngoƭ’eeruuna. Yaa ta ga’na a den, a inoora no ndokand ne no ƭiif ne ten, a ƴuf a xetook a den. A gunga a lanq,

Mberaand 18:15

Saara a xaña yaam diid, a lay ee: «Jaliim de!» O Yaal oxe a doonaan ee: «Jalaa kañ!»

Mberaand 18:22

Goor waa a ndeta, a nqot farna fa Sodoom, Abraham o mat a maad o geenoox mbaambir no Yaal oxe.

Mberaand 19:1

Malaaka ƭik a mbadiida Sodoom no kirand ngoor, a soƥ Lot a moof no ndokand ne Sodoom. Ye Lot a ga’na a den, a inooxa, a xetook a den, soo a gung a lanq.